17.01.2026 | 14:46
Ես ինքս եմ ինձ համոզել. Թրամփը՝ Իրանի վրա հարձակվելուց հրաժարվելու մասին
Միրզոյանը և Պեսկովը՝ Փաշինյան-Ալիև հանդիպման մասին․ Բաքվի «էկոլոգները» հեռացե՞լ են Արցախից․ Լուրեր
07.12.2022 | 19:23
- Արցախի Իվանյան համայնքում, որտեղ գտնվում է ռուս խաղաղապահների հրամանատարությունը, ավարտվել են ռուսական կողմի և ադրբեջանցի «էկոլոգների» բանակցությունները հանքավայրերի շահագործման վերաբերյալ։ Ադրբեջանական կողմը հաղորդում է, որ Ադրբեջանի առաջարկներն ընդունվել են խաղաղապահների կողմից, մոնիթորինգի անցկացումը համաձայնեցվել է։ Հիմա, իբր, նախատեսվում է լրացուցիչ բանակցություններ վարել այդ ուղղությամբ և առաջիկայում սկսել մոնիթորինգը։
- ՌԴ նախագահի խոսնակ Դմիտրի Պեսկովը հայտարարել է, որ ռուսական կողմը պատրաստ կլինի ցուցաբերել անհրաժեշտ աջակցություն՝ Հայաստանի վարչապետ Նիկոլ Փաշինյանի և Ադրբեջանի ղեկավար Իլհամ Ալիևի միջև Ռուսաստանում հանդիպում անցկացնելու համար։
- Հայաստանի ԱԳ նախարար Արարատ Միրզոյանը այսօր Ազգային ժողովում հայտարարել է, որ ստացել են այսպես կոչված խաղաղության պայմանագրի վերաբերյալ Ադրբեջանի հերթական առաջարկները, և հանդես կգան իրենց առաջարկներով։ Միրզոյանն ասել է, որ իր ենթադրությամբ՝ մինչև տարեվերջ կլինի հայ-ադրբեջանական հանդիպում։ Նա նաև անդրադարձել է Լաչինի միջանցքը փակելու ադրբեջանական կողմի փորձերին և ասել է, որ դա նոյեմբերի 9-ի փաստաթղթի կոպիտ խախտում կլիներ։ Ըստ Միրզոյանի՝ հիմա իրավիճակը հարթվել է։
Այս ժամի լուրերը՝ տեսանյութում։
