09.09.2026 | 19:16
Վանաձոր, Այրում քաղաքներում, Արարատ բնակավայրում գազանջատումներ կլինեն
Ենթադրում եմ՝ մինչև տարեվերջ կլինի հայ-ադրբեջանական հանդիպում․ Միրզոյան․ ՏԵՍԱՆՅՈՒԹ
Քաղաքականություն
07.12.2022 | 17:21
Ադրբեջանի հետ խաղաղության, հարաբերությունների կարգավորման վերաբերյալ բանակցություններն ակտիվ փուլում են։ Ազգային ժողովում այս մասին հայտարարեց ՀՀ արտգործնախարար Արարատ Միրզոյանը:
«Փաստաթուղթ է շրջանառվում, այժմ մենք ստացել ենք ադրբեջանական կողմի հերթական առաջարկները, հանդես կգանք մեր հերթական առաջարկներով։ Ցավոք, կողմերի մոտեցումները բազմաթիվ հարցերում դեռևս շատ հեռու են իրարից, բայց դրա համար են բանակցությունները, որ կարողանանք հեռու դիրքորոշումների միջև ընդհանուր եզրեր գտնել», – նշեց նախարարը:
Միրզոյանի հավելեց՝ այս պահին ադրբեջանական կողմի հետ հանդիպում պլանավորված չէ վերջնական․ «Բայց ես ենթադրում եմ, որ մինչև տարեվերջ մենք կունենանք ևս մեկ հանդիպում, մենք պատրաստ ենք այդ հանդիպմանը: Մենք այս բանակցություններում ակտիվ ենք և կառուցողական։ Վստահ չեմ, որ կհաջողվի մինչև տարեվերջ ունենալ խաղաղության պայմանագրի վերջնական տարբերակ, թեև այդպես էինք հայտարարել։ Բայց մեր մտադրությունը ուժի մեջ է, մենք աշխատում ենք որքան հնարավոր է շուտ հասնել խաղաղության և համապարփակ կարգավորմանը։ Եթե նույնիսկ չստացվի մինչև տարեվերջ, բանակցությունները կշարունակվեն դրանից հետո»։
Մանրամասները՝ տեսանյութում։
