Քաղաքականություն
07.12.2022 | 17:01
Բրիտանացի հարյուրավոր հրշեջներ բողոքի ցույց են անցկացրել Լոնդոնում՝ պահանջելով բարձրացնել աշխատավարձերը, գրում է Euronews-ը։
Նրանք կմիանան գործադուլների աճող ալիքին, որն ընդգրկում է ավելի ու ավելի շատ ոլորտներ՝ բուժքույրերից, ուսուցիչներից և իրավաբաններից մինչև երկաթուղու, նավահանգստի և փոստի աշխատակիցներ:
Հոկտեմբերին Մեծ Բրիտանիայում գնաճն արագացել է՝ գերազանցելով 11%-ը և հասնելով 41 տարվա ամենաբարձր մակարդակին՝ էներգիայի և պարենային ապրանքների չափազանց բարձր գների պատճառով, ինչի հետևանքով մասնավոր և պետական հատվածի աշխատողները պահանջում են ավելի բարձր աշխատավարձեր, իսկ կառավարությունը դեռևս պատրաստ չէ ընդունել նրանց պահանջները:
Տաթև Ֆռանգյան
