12.01.2025 | 17:49
Սպիտակ-Վանաձոր երթուղու միկրոավտոբուսի վթարի հետևանքով 12 քաղաքացի տեղափոխվել է հիվանդանոց, բոլորը դուրս են գրվել
ՌԴ իշխանությունները երեք տարբերակ են դիտարկում՝ նավթի գնի շեմ սահմանելուն ի պատասխան
Քաղաքականություն
07.12.2022 | 22:41
ՌԴ նախագահի աշխատակազմն ու կառավարությունը քննարկում են ԵՄ-ի, Մեծ յոթնյակի և Ավստրալիայի կողմից ռուսական նավթի գնի շեմի սահմանմանն ի պատասխան երեք տարբերակ։ Այս մասին գրում է «Վեդոմոստին», որին վկայակոչում է Meduza-ն։
Առաջին տարբերակը նավթի վաճառքի ամբողջական արգելքն է այն երկրներին, որոնք աջակցել են նախաձեռնությանը, այդ թվում՝ այն երկրները, որոնք Ռուսաստանից նավթ են գնում միջնորդ պետությունների միջոցով։ Երկրորդ տարբերակը՝ արտահանման արգելքն է պայմանագրերով, որոնք ներառում են գնային սահմանափակման պայման՝ անկախ նրանից, թե որ երկիրն է ստացողը:
Երրորդ տարբերակը, ըստ աղբյուրի, ենթադրում է, որ Ռուսաստանի իշխանություններն ինդիկատիվ գին կներկայացնեն, այսինքն՝ ռուսական Urals նավթի առավելագույն զեղչ կսահմանեն Brent ապրանքանիշի համար, որի ավելացմամբ վաճառքը կարգելվի։ Աղբյուրներն այս տարբերակն անվանել են ամենահավանականը:
Հիշեցնենք, որ դեկտեմբերի 5-ին ուժի մեջ է մտել ռուսական նավթի նկատմամբ գնային շեմի սահմանումը, որն ընդունել են ԵՄ-ն, Մեծ յոթնյակի երկրներն ու Ավստրալիան։ Նավթի գին է սահմանվել մեկ բարելի համար 60 դոլարը։
Էմմա Չոբանյան
