Ընդդիմությունը կտավների առումով պրոբլեմ չունի՝ հատկապես թանկարժեք․ Վիգեն Խաչատրյան․ ՏԵՍԱՆՅՈՒԹ

«Ընդդիմությունը կտավների առումով պրոբլեմ չունի՝ հատկապես թանկարժեք։ Եվ դա յուրաքանչյուր մարդու իրավունքն է՝ ինչ ունենալ։ Ազգային ժողովի նիստում եկամուտների համընդհանուր հայտարարագրման հարցի քննարկման ժամանակ նշեց «Քաղաքացիական պայմանագիր» խմբակցության պատգամավոր Վիգեն Խաչատրյանը։

Նշենք, որ աանդրադառնալով «Քաղաքացիական պայմանագիր» խմբակցության պատգամավոր Բաբկեն Թունյանի դիտարկմանը, թե մարդը կարող է 100 հազար դրամ ստանալ, բայց տանը Սարյանի կտավ ունենալ, նույն խմբակցության պատգամավոր Գուրգեն Արսենյանն արձագանքեց․ «Հո մարդիկ կրակը չե՞ն ընկել, որ տանը կտավ ունեն»։ Պատգամավորն ընդգծեց, որ համընդհանուր հայտարարագրման համակարգի ներդրումը գործիք է, որը պետք է ծառայի որոշակի նպատակների, և հորդորեց այլ հիմնավորումներով առաջնորդվել։

Իր ելույթում «Քաղաքացիական պայմանագիր» խմակցության պատգամավոր Լուսինե Բադալյանը, կարևորելով սոցիալական համերաշխությունը, նշեց, որ այն չպետք է դիտարկել որպես կուլակաթափության հոմանիշ։ Բադալյանը հիմնավոր համարեց Բաբկեն Թունյանի կողմից նախագծի հիմնավորումը՝ թանկարժեք կտավի օրինակը բերելով:

Նիստը նախագահող ԱԺ նախագահի տեղակալ Ռուբեն Ռուբինյանը հեգնանքով ափսոսանք հայտնեց, որ ընդդիմությունը չի մասնակցում քննարկմանը՝ նշելով, թե նրանք թանկարժեք նկարների վերաբերյալ ասելիք կունենային:

Վիգեն Խաչատրյանը, անդրադառնալով քննարկվող նախագծին, ընդգծեց, որ հարկ չվճարելը գողություն է բոլորից։
Նրա դիտարկմամբ՝ բոլորը չեն կարող սոցիալապես հավասար ապրել, բայց լավ ապրելու հնարավորություն պետք է ունենան բոլորը․ սա է սոցիալական արդարության պահանջը։

Մանրամասները՝ տեսանյութում։