Հետվճարային սկզբունքով սոցիալական ծախսերի գումարը քաղաքացին հետ կստանա․ Արման Պողոսյան․ ՏԵՍԱՆՅՈՒԹ

Ազգային ժողովի լիագումար նիստում քննարկվում է կառավարության հեղինակած օրենքի նախագիծը, որով նախատեսվում է Հայաստանում ներդնել եկամուտների համընդհանուր հայտարարագրման համակարգ. այն ամբողջությամբ կներդրվի 3 տարվա ընթացքում, առաջին հայտարարագրերը պետք է ներկայացվեն մինչև 2024-ի ապրիլի 20-ը:

«Կառավարությունը, ի դեմս ոլորտային քաղաքականությունների պատասխանատուների՝ Աշխատանքի և սոցիալական հարցերի, Առողջապահության, ԿԳՄՍ նախարարությունների, ԱԺ համապատասխան հանձնաժողովների հետ սերտ համագործակցությամբ կպատրաստի կառավարության որոշման նախագծի հիմքում դրվող սկզբունքները, ըստ որոնց՝ պետք է սահմանվեն սոցիալական ծախսերի առանձին ուղղություններ, այդ ուղղությունների շրջանակներում առանձին տեսակներ․․․

Եվ երբ քաղաքացիները նշված ուղղություններով ծախսեր կկատարեն, դրանք կփաստաթղթավովեն և կնույնականացվեն իրենց անհատականացված տվյալներով՝ օրինակ՝ հարկ վճարողի հաշվառման համարով, իսկ ապագայում, երբ որ արդեն թվայնացման օրակարգը կիրանցվի այնպես, որ ներդրված կլինի անձի նույնականացման մեկ միասնական գործիք, ապա այդ գործիքով։ Եվ տարեկան պարբերականությամբ երբ որ կներկայացվեն հայտարարագրերը, այդ հայտարարագրերի նախագծում արդեն հայտարարատուն կտեսնի իր համար կատարված ծախսը արտացոլված և նվազեցված հարկման բազայից։ Եվ եթե, օրինակ, հայտարարատուն տարվա ընթացքում չի ստացել այնպիսի լրացուցիչ եկամուտներ, որոնք հարկվող են, սակայն հարկային գործակալի կողմից չեն հարկվել, իրավունք կստանա այդ ծախսերին համապատասխանող հարկի գումարի չափով եկամտային հարկ ետ ստանալ»,- նշեց ՀՀ ֆինանսների փոխնախարար Արման Պողոսյանը։

Մանրամասները՝ տեսանյութում։