Փաշինյանի հետ հանդիպմանը մենաշնորհների մասին բարձրաձայնելուց հետո երգչուհու առջև օպերային թատրոնի դռները փակվել են․ ՏԵՍԱՆՅՈՒԹ

Լուրեր

19.11.2026 | 09:34
Ալեն Սիմոնյանի ճեպազրույցը. ՈՒՂԻՂ
19.11.2026 | 09:03
Անհետ կորած անձանց ճակատագիրը․ մարդասիրական երկխոսություն և համագործակցություն. ՈՒՂԻՂ
18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
18.11.2026 | 22:35
Հայ մարմնամարզիկները ոսկե ու արծաթե մեդալներ են նվաճել միջազգային մրցաշարում
18.11.2026 | 22:21
ՌԴ-ն Լեհաստանի տարածքում դիվերսիա էր ծրագրել՝ պատասխանատվությունը Կիևի վրա բարդելու համար․ Rzeczpospolita
18.11.2026 | 22:08
Եկեք գնանք ժողովրդին հարցնենք, մնացածն ի՞նչ կապիկություն է․ Միրզոյանը՝ Դավթյանին. ՏԵՍԱՆՅՈՒԹ
18.11.2026 | 21:55
Աստղագիտության միջազգային բաց օլիմպիադայում ՀՀ թիմն արժանացել է 6 մեդալի
18.11.2026 | 21:44
Պայմանագրային զինծառայող է մահացել
18.11.2026 | 21:35
Իսրայելի խորհրդարանը նոր խոսնակ ունի․ նրան աջակցում են Նեթանյահուի հակառակորդները
18.11.2026 | 21:24
Կոտայքի մարզում վթարային ջրանջատում կլինի
18.11.2026 | 21:13
GTA VI-ը պաշտոնապես թողարկվել է
18.11.2026 | 21:00
Փաշինյանը ԵՄ-ին անդամակցելուց խոսեց՝ բարձրացնելով Պուտինի հետ սակարկության գինը․ Նարինե Մկրտչյան․ ՏԵՍԱՆՅՈՒԹ
Բոլորը

Երիտասարդ օպերային երգչուհի Անի Պիվազյանը մայիսի 25-ին Հայաստանի վարչապետ Նիկոլ Փաշինյանի՝ մշակութային գործիչների հետ հանդիպման ժամանակ վարչապետին հայտնեց, որ Հայաստանում երկար տարիներ մեներգիչների մենաշնորհ է եղել, և շատերը հնարավորություն չեն ունեցել ներկայանալ արվեստասեր հասարակության լայն շրջանակին։

Factor.am-ին հայտնի դարձավ, որ դրանից հետո Ալ․ Սպենդիարյանի անվան օպերայի և բալետի ազգային ակադեմիական թատրոնում երգչուհուն ոչ միայն չեն հրավիրել երկխոսության և չեն լսել նրա մտահոգությունը, այլև թատրոնի դռները նրա առջև բառիս բուն իմաստով փակել են։ Անիին թույլ չեն տալիս մուտք գործել թատրոն և մասնակցել պարապմունքների։ Նրա ներկայացմամբ՝ դա օպերային թատրոնի կառավարման գծով փոխտնօրեն Կարինե Կիրակոսյանի հրահանգն է, վերջինս է Անիի դաշնակահարին ստիպել յուրայինների ցուցակ կազմել և երգչուհու անունն այդ ցուցակում բացառել։

Մեզ հետ զրույցում օպերային թատրոնի մեներգիչ Զոհրաբ Զոհրաբյանը փաստեց Անիի մասնագիտական բարձր որակների մասին և տարակուսանք հայտնեց՝ գուցե երգչուհու համարձակ պահվածքն էր պատճառը, որ նրա առջև դռներ փակվեցին։

Factor.am-ը թեմայի շուրջ մեկնաբանություն խնդրեց օպերային թատրոնի ղեկավարությունից։ Մեր այն հարցերին, թե ինչ պատճառաբանությամբ Անի Պիվազյանին ներս չեն թողնում թատրոն, արդյոք այնտեղ փորձել են լսել երգչուհու դժգոհությունը, և թատրոնում մենաշնորհների առկայության վերաբերյալ որն է ղեկավարության դիրքորոշումը, թատրոնի լրատվական բաժնից հսկայական նախաբանով գրավոր պատասխանի միջոցով փորձ արեցին մեզ օրենսդրությանն առնչվող դասեր տալ և նշեցին, որ Անի Պիվազյանին առնչվող մեր կողմից բարձրացված հարցերի վերաբերյալ պատրաստ են տեղեկատվություն տրամադրել միայն նրա գրավոր համաձայնության դեպքում:

Փաստորեն, թատրոնի տնօրինության համար բավարար հիմք չէին երգչուհու՝ տարբեր առիթներով հրապարակային կերպով արտահայտած դժգոհությունները։ Մեզ թատրոնի լրատվական բաժնից հայտնեցին, որ «Ա. Սպենդիարյանի անվան օպերայի և բալետի ազգային ակադեմիական թատրոն» պետական ոչ առևտրային կազմակերպությունն իր գործունեությունն իրականացնում է ՀՀ օրենսդրության, իր կանոնադրության և թատրոնի ներքին իրավական ակտերի համաձայն, որոնցով հստակ կարգավորված են թատրոնում աշխատանքային հարաբերությունները, աշխատողների իրավունքներն ու պարտականությունները, այլ անձանց թատրոնի տարածք մուտքի կարգը, դիմումների կամ բողոքների կամ ընդունելությունների կարգերը և այլ իրավահարաբերություններ»:

Իսկ մեր այն հարցը, թե արդյոք օպերային թատրոնը պատրաստ է մենաշնորհների թեմայի շուրջ բաց քննարկում անցկացնել, այդպես էլ մնաց անպատասխան։

Մանրամասները՝ տեսանյութում։ Աննա Բաբաջանյան