26.08.2026 | 11:40
US Open. Սերենա Ուիլյամսն ու Կառլոս Ալկարասը պարտվել են 1/4 եզրափակիչում. ՏԵՍԱՆՅՈՒԹ
Բաքուն Երևանին է հանձնել խաղաղության պայմանագրի իր նախագիծը, մինչև տարեվերջ հանդիպում կանցկացվի․ Բայրամով
Քաղաքականություն
05.12.2022 | 16:37
Բաքուն հայ-ադրբեջանական հարաբերությունների խաղաղ կարգավորման համաձայնագրի նախագիծ է պատրաստել և այն հանձնել է Երևանին։ Այս մասին հայտարարել է Ադրբեջանի արտգործնախարար Ջեյհուն Բայրամովը Մոսկվայում իր ռուս գործընկեր Սերգեյ Լավրովի հետ հանդիպման արդյունքներով կայացած մամուլի ասուլիսում, գրում է Ինֆո-24-ը։
Ադրբեջանցի պաշտոնյայի խոսքով՝ Բաքուն կարծում է, որ հայ-ադրբեջանական կարգավորման շուրջ բանակցությունների երրորդ փուլը կանցկացվի մինչև 2022 թվականի ավարտը։
Լավրովի հետ հանդիպմանը Բայրամովը բարձր է գնահատել ադրբեջանա-ռուսական հարաբերությունների զարգացման մակարդակը, իսկ ՌԴ ԱԳ նախարարն իր հերթին հայտարարել է Մոսկվայի պատրաստակամության մասին՝ օգնելու ապաշրջափակել տրանսպորտային հաղորդակցությունը, աշխատել հայ-ադրբեջանական սահմանի սահմանազատման ուղղությամբ և Բաքվի ու Երևանի միջև խաղաղության պայմանագիր կնքել:
Հիշեցնենք, որ Ռուսաստանի Դաշնության և Ադրբեջանի ԱԳ նախարարների այսօրվա հանդիպման օրակարգում էին երկկողմ համագործակցության ներկա վիճակին և հեռանկարներին, հայ-ադրբեջանական հարաբերությունների կարգավորմանը վերաբերող հարցեր:
Տաթև Ֆռանգյան
