17.08.2026 | 23:08
Զորականում և Ամասիայում շչակներ են փորձարկվելու
Մոնղոլիայի մայրաքաղաքում ցուցարարները ներխուժել են կառավարության շենք
Քաղաքականություն
05.12.2022 | 18:15
Մոնղոլիայում զանգվածային բողոքի ցույցեր են սկսվել Ուլան Բատորի կենտրոնական հրապարակում՝ Կառավարության պալատի մոտ։ Տեղական լրատվամիջոցների փոխանցմամբ՝ անկարգությունների պատճառ է դարձել 1,7 միլիարդ դոլարի ածխի գողության մասին տեղեկությունը, որը պետք է արտահանվեր Մոնղոլիայից Չինաստան։ Ցուցարարներն ածխի անհետանալու համար մեղադրում են կոռումպացված պաշտոնյաներին, գրում է Կոմերսանտը:
24tsag գործակալության փոխանցմամբ՝ Կառավարության պալատ ներխուժելու փորձի ժամանակ ցուցարարները կոտրել են մետաղյա դարպասը։ News.mn պորտալի տվյալներով էլ՝ բախման ընթացքում տուժել է վեց մարդ, այդ թվում՝ պալատի անվտանգության ծառայության չորս անդամ։ Կառավարության ղեկավարի պետական նստավայր տանող ճանապարհը փակվել է։
Բողոքի զանգվածային ցույցերը սկսվել են այն բանից հետո, երբ տեղական լրատվամիջոցները տեղեկություն են տարածել, որ Մոնղոլիայից դուրս բերված ածխի քանակը տարբերվում է չինական կողմի ստացած քանակից։ Անհետացած ածխի ծավալը գնահատվում է 6,5 մլն տոննա՝ 40 տրիլիոն տուգրիկ (1,7 մլրդ դոլար):
Լրատվամիջոցները նաև հայտնել են, որ Չինաստանը Մոնղոլիայի իշխանություններին է տրամադրել գողության մեջ ներգրավված քաղաքական գործիչների տվյալները, և այժմ ցուցարարները պահանջում են պատժել նրանց։
15 պաշտոնյաներ այժմ հետաքննության են ենթարկվում, նրանք կասկածվում են կոռուպցիոն հանցագործություններին առնչություն ունենալու մեջ։
Տաթև Ֆռանգյան
