18.05.2024 | 22:23
Աշխաբադում բացվել է Սայաթ-Նովայի արձանը
«Գերմանիան մեր երկրի կարևոր և լավագույն գործընկերն է». Արթուր Գրիգորյան
Քաղաքականություն
07.06.2018 | 14:18
ՀՀ էներգետիկ ենթակառուցվածքների և բնական պաշարների նախարար Արթուր Գրիգորյանն ընդունել է Հայաստանի Հանրապետությունում Գերմանիայի Դաշնային Հանրապետության արտակարգ և լիազոր դեսպան Բերնհարդ Մաթիաս Քիսլերին. տեղեկացնում է նախարարության լրատվական ծառայությունը:
Ողջունելով հյուրերին՝ Արթուր Գրիգորյանը նշել է, որ բարձր է գնահատում Գերմանիայի կառավարության աջակցությունը Հայաստանի տնտեսության զարգացմանը, և համոզմունք հայտնել, որ էներգետիկայի բնագավառում իրականացվող ծրագրերը այսուհետ ևս կլինեն արդյունավետ և շարունակական:
Նախարարը նշել է, որ Գերմանիան մեր երկրի կարևոր և լավագույն գործընկերն է, և հույս հայտնել, որ այդ հարաբերությունները կնշանավորվեն էներգետիկայի բնագավառում նոր նախաձեռնություններով:
Դեսպան Քիսլերը շնորհակալություն է հայտնել ջերմ ընդունելության համար և պատրաստակամություն հայտնել աջակցելու տնտեսական ոլորտում հայ-գերմանական համագործակցության խորացմանը՝ էներգետիկայի բնագավառում օգտագործելով հնարավոր բոլոր հարթակները:
Զրուցակիցները կարևորել են համատեղ իրականացվող Հայաստան-Վրաստան բարձրավոլտ էլեկտրահաղորդման գծի կառուցման ծրագիրը, և մտքեր փոխանակել մասնավորապես վերականգնվող էներգետիկայի ու էներգաարդյունավետության համատեղ ծրագրերի հեռանկարների շուրջ:
