Հասարակություն
02.12.2022 | 16:06Ընթանում է «Իրավունքների պաշտպանություն առանց սահմանների» հասարակական կազմակերպության նախաձեռնած «Հակակոռուպցիոն ինստիտուտների ստեղծումը. մշտադիտարկման արդյունքները և խնդիրները» թեմայով հանրային քննարկումը:
Քննարկման ընթացքում ներկայացվեցին կազմակերպության կողմից իրականացված հակակոռուպցիոն մարմինների՝ Հակակոռուպցիոն բոլոր ատյանի դատարանների դատավորների և Հակակոռուպցիոն կոմիտեի ստեղծման և ինքնավար պաշտոն զբաղեցնող անձանց ընտրությունների մշտադիտարկման արդյունքները։
«Իրավունքների պաշտպանություն առանց սահմանների» ՀԿ իրավական հարցերով փորձագետ Հասմիկ Հարությունյանը ներկայացրեց Հակակոռուպցիոն դատարանի դատավորների ընտրության արդյունքները և վեր հանված խդիրները։
Հարությունյանի դիտարկմամբ՝ ողջամիտ բացատրություն չկա դատարաններում դատավորների թվակազմի վերաբերյալ։ Հարցեր են ծագել նաև, թե ինչու, օրինակ, առանձնապես ծանր հանցագործություններ քննող դատավորներն ավելի ցածր աշխատավարձ են ստանալու, քան Հակակոռուպցիոն դատարանի դատավորները։
«Հաջորդ խնդիրն այն է, որ դատավորի կարգավիճակ չունեցող անձանց համար հեշտացված պրոցես է նախատեսվել՝ Հակակոռուպցիոն դատարանի դատավոր դառնալու համար․ հասկանալի չէ՝ ինչպիսի չափանիշների հիման վրա է այդ որոշումը կայացվել։
Նաև այլ խնդիր է արձանագրվել կապված այն հանգամանքի հետ, որ օրենքը նախատեսում է, որ ԲԴԽ-ն իրավունք ունի անհրաժեշտության դեպքում հակակոռուպցիոն դատավոր-թեկնածուներին զրույցի հրավիրել․ պարզ չէ, թե այդ անհրաժեշտությունը որ դեպքերում է ծագում, ինչ հարցեր են քննարկվելու և ինչպես է որոշվելու՝ որ թեկնածուին հրավիրել հարցազրույցի, որին՝ չհրավիրել»,- նշեց Հարությունյանը։
Մանրամասները՝ տեսանյութում։
