11.04.2026 | 22:24
Այցելել եմ երեկվա ողբերգական վթարից տուժած փոքրիկներին․ Ավանեսյան
Airbus-ը մի քանի ամսից ամբողջությամբ կհրաժարվի ռուսական տիտանից
Քաղաքականություն
02.12.2022 | 15:51
Եվրոպական ավիաարտադրող Airbus ընկերությունը պատրաստվում է մի քանի ամսվա ընթացքում հրաժարվել ռուսական տիտանից։ Այս մասին հայտնում է Reuters-ը՝ վկայակոչելով ընկերության պաշտպանական ու տիեզերական բաժնի ղեկավար Միխայիլ Շոլհորնին, գրում է Meduza-ն։
«Մենք գտնվում ենք Ռուսաստանի հետ կապերի խզման գործընթացում, եթե խոսքը տիտանի մասին է։ Դա ամիսների, ոչ թե տարիների հարց է։ Ներկայում Airbus-ը դեռ գնում է ռուսական տիտանի որոշակի տոկոս, բայց մենք ակնհայտորեն գնում ենք դրանից անկախանալու ճանապարհին»,- ասել է Շոլհորնը Մյունխենում կայացած ճեպազրույցում։
Ուկրաինա ռուսական ներխուժումից առաջ ընկերությունը անհրաժեշտ տիտանի 65 տոկոսը գնում էր Ռուսաստանից։ Պատերազմի մեկնարկից հետո Airbus-ը կոչ էր արել Եվրամիությանն ու ԱՄՆ-ին չեղարկել ռուսական տիտանի ներմուծման պատժամիջոցները՝ օդատիեզերական արդյունաբերությանը չվնասելու համար։ Տիտանը դեռևս դուրս է մնում Ուկրաինա Ռուսաստանի ներխուժումից հետո սահմանված սահմանափակումներից։
Լրատվամիջոցը, վկայակոչելով իր աղբյուրներին, գրում է, որ ընկերությունը սկսել է ավելի շատ տիտան գնել ԱՄՆ-ից ու Ճապոնիայից։
Էմմա Չոբանյան
