21.01.2026 | 23:30
Ինչ իրավիճակ է Հայաստանի ճանապարհներին և Լարսում
Աշոտյանին և ՀՀԿ-ին որ նայում ես, զգացվում է՝ հալածված են. Նիկոլ Փաշինյանը հեգնեց. ՏԵՍԱՆՅՈՒԹ
Քաղաքականություն
07.06.2018 | 13:45
Կառավարության ծրագրի առաջնահերթությունը լինելու է մեկ տարվա ընթացքում արտահերթ ընտրությունների անցկացումը: Այս մասին այսօր Ազգային ժողովում լրագրողների հետ զրույցում ասաց ՀՀ վարչապետ Նիկոլ Փաշինյանը:
«Նշված է շատ կոնկրետ ժամանակահատված՝ արտահերթ ընտրություններ մեկ տարվա ընթացքում»,- ընդգծեց վարչապետը:
Լրագրողի հարցին, թե իր կառավարության ծրագիրը հստակ չի ասում՝ ինչ ժամկետներում է մարդկանց սոցիալական վիճակը լավանալու, Փաշինյանն արձագանքեց. «Մինչև այս տրամաբանությունն այն է, որ մի քիչ էլ կվատանա և այդպես էլ կմնա, իսկ հիմա տրամաբանությունն այն է, որ անընդհատ լավանալու է: Ուզում եմ Ձեր ուշադրությունը հրավիրել այն փաստի վրա, որ նախկինում ծրագրում եղած թվերը երբեք իրականություն չեն դարձել: Մենք չենք պատրաստվում երկրում թվեր դզենք-փչենք, մենք պատրաստվում ենք լրջագույն բովանդակային փոփոխություններ անել»:
Նիկոլ Փաշինյանն անդրադարձավ նաև ՀՀԿ-ականների, մասնավորապես՝ Արմեն Աշոտյանի այն տեսակետին, որ որոշ գործարարներ ՀՀԿ-ն լքում են պետական ապարատի հնարավոր ռեպրեսիվ ճնշումների պատճառով, կառավարության ղեկավարը պատասխանեց. «Ամեն ինչ տեղի է ունենում ձեր աչքի առջև, դուք կարող եք ինքներդ գնահատել, թե ինչ է լինում: Աշոտյանին և մյուս հանրապետականներին, որ նայում ենք, զգացվում են, որ նրանք հալածվա՞ծ են»:
