19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Ռուսաստանը պատրաստ է հանդիպում անցկացնել Էրդողանի ու Ասադի միջև
Քաղաքականություն
02.12.2022 | 16:24
«Մոսկվան Անկարային ու Դամասկոսին միջնորդություն չի պարտադրում, սակայն եթե մեզ խնդրեն, պատրաստ ենք անցկացնելու նախագահներ Ռեջեփ Թայիփ Էրդողանի ու Բաշար Ասադի հանդիպումը»,- Ռիա Նովոստիին ասել է ՌԴ նախագահի Մերձավոր Արևելքի ու Աֆրիկայի երկրների հատուկ ներկայացուցիչ, ԱԳ փոխնախարար Միխայիլ Բոգդանովը։
«Մենք միշտ պատրաստակամություն ենք հայտնում ու ասում, որ դա ճիշտ կլիներ, սակայն դեռ կոնկրետ աշխատանք քաղաքական առումով չի տարվում։ Դեռ չկան նման պլաններ»,-ասել է Բոգդանովը՝ հավելելով ,- «Ամեն ինչ կախված է կողմերի ցանկությունից, մենք ոչ մեկին ոչինչ չենք պարտադրում։ Եթե մեզ հարցնեն այս մասին, և մեր գործընկերների մոտ Անկարայում և Դամասկոսում լինի նման շահագրգռվածություն, ապա, իհարկե, դրական կարձագանքենք»։
Մոսկվայի Թուրքիայի ու Սիրիայի միջև գագաթնաժողովի կազմակերպման պատրաստկամության մասին առաջին անգամ հայտարարել էր ՌԴ Նախագահի Սիրիայի հարցով հատուկ ներկայացուցիչ Ալեքսանդր Լավրենտևը։ Էրդողանն, ի դեպ, վերջին հարցազրույցներում չէր բացառել Սիրիայի հետ հարաբերությունների կարգավորումը։
Էմմա Չոբանյան
