30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Ադրբեջանը ոգևորվում է այսպիսի թույլիկ պահվածքից․ ավելի ենք մղում հարձակման․ Գեղամ Նազարյան․ ՏԵՍԱՆՅՈՒԹ
Քաղաքականություն
02.12.2022 | 13:00
Շարունակվում է Ազգային ժողովի արտահերթ նիստը, որը հրավիրվել է Ադրբեջանի խորհրդարանի՝ 2022 թվականի նոյեմբերի 8-ի հայտարարության կապակցությամբ։ «Հայաստան» խմբակցությունն առաջարկում է համարժեք պատասխան տալ Ադրբեջանին՝ ընդունելով Ազգային ժողովի համատեղ հայտարարություն։
Նշենք, որ Քաղաքացիական պայմանագիր» խմբակցության պատգամավոր Էդուարդ Աղաջանյանը հայտարարեց․ ««Հայաստան» խմբակցության կողմից առաջարկվող տերմինաբանությունն առաջացնում է ավելի շատ ռիսկեր, քան նպաստում է ՀՀ խաղաղության օրակարգի առաջխաղացմանը: Մենք՝ որպես ՀՀ պատասխանատու իշխանություն, չենք կարող ընդունել մի հայտարարություն, որը պարունակում է նման ռիսկեր»։
«Հայաստան» խմբակցության պատգամավոր Գեղամ Նազարյանն անդրադառնալով իշխանական պատգամավորների այս դիրքորոշմանը, նշեց․ «Այդպիսով Ադրբեջանին ավելի եք մղում նոր հարձակման, նրանք ոգևորվում են բացառապես այսպիսի մեղմ, թույլիկ պահվածքից։
Այո՛, չի կարելի անզգույշ քայլեր անել, չի կարելի վտանգել արցախցուն։ Հիշո՞մ եք, որ Շուշիում պարում էիք, բա էն ժամանակ չէի՞ք մատծում, թե ինչու Հայաստանի որևէ նախագահ որևէ տարի, որևէ առիթով Շուշիում չի պարել ու եթեր հեռարձակել։ Բա ինչո՞ւ չէիք մտածում, թե ինչու Հայաստանի որևէ ղեկավար չի հայտարարել․ «Արցախը Հայաստան է և վերջ»։ Բա մտածիք․․․
Այն, ինչ որ եղավ, չպետք է լիներ, դա արհեստածին էր։ Ինչո՞ւ չեք սխալներից հետևություն անում։ Ասում ենք՝ սա էլ է սխալ, մի՛ արեք։ Գնացե՛ք այդ տղային ասեք՝ այսպես վախերից դրդված քաղաքականությունը բերում է նոր կորուստների»։
Մանրամասները՝ տեսանյութում։
