09.10.2026 | 13:09
Ադրբեջաներեն երգ՝ Թուրքմենստանից Փաշինյանի հրապարակած տեսանյութում
ՄԱԳԱՏԷ-ն հուսով է մինչև տարեվերջ լուծում գտնել Զապորոժիեի ատոմակայանի անվտանգության հարցում
Քաղաքականություն
02.12.2022 | 17:22
Ատոմային էներգիայի միջազգային գործակալության (ՄԱԳԱՏԷ) գլխավոր տնօրեն Ռաֆայել Գրոսսին հույս է հայտնել, որ Զապորոժիեի ԱԷԿ-ի անվտանգության ապահովման վերաբերյալ որոշմանը հնարավոր կլինի հասնել մինչև տարեվերջ, փոխանցում է ՌԻԱ Նովոստին։
«Կա կոնկրետ առաջարկ՝ ապահովելու Զապորոժիեի անվտանգությունը, և այդ ուղղությամբ զգալի առաջընթաց է գրանցվել»,- ասել է նա ուրբաթ օրը la Repubblica թերթում հրապարակված հարցազրույցում։ «Այժմ երկու կողմերը համաձայնության են եկել որոշ հիմնարար սկզբունքների շուրջ»,- ասել է Գրոսսին։ Դրանցից առաջինը ատոմակայանը չգնդակոծելու և դրա տարածքից չկրակելու մասին նախնական համաձայնությունն է։ Երկրորդը ճանաչելն է, որ ստեղծված իրավիճակից հնարավոր ելքը ՄԱԳԱՏԷ-ի օգնությամբ պիտի լինի։ Ըստ Գրոսսիի՝ սա էր հոկտեմբերի 11-ին Սանկտ Պետերբուրգում ՌԴ նախագահ Վլադիմիր Պուտինի հետ իր հանդիպման հիմնական բովանդակությունը։
Տաթև Ֆռանգյան
