15.12.2025 | 17:35
ԿԳՄՍՆ ենթակայության 18 մասնաճյուղ-թանգարաններ կմիանան Էլեկտրոնային տոմսերի միասնական ավտոմատացված համակարգին
Եվրոպան չի կարող առանց ԱՄՆ աջակցության դիմակայել Ռուսաստանին․ Ֆինլանդիայի վարչապետ
Քաղաքականություն
02.12.2022 | 14:15
Ֆինլանդիայի վարրապետ Սաննա Մարինի խոսքով՝ Եվրոպան ինքնուրույն բավարար ուժեղ չէ, որ միայնակ դիմակայի Ռուսաստանին առանց ԱՄՆ աջակցության։ Նա նաև քննադատել է արևմտյան երկրների կախվածությունը ավտորիտար երկրներից, ինչպիսին Չինաստանն է, գրում է Err.ee-ն։
Մարինը նման գնահատականներ է հնչեցրել Ավստրալիա այցի ելույթ ունենալով Սիդնեյի Լոուի ինստիտուտում,որի խոսքերը մեջբերում է ֆիննական Yle հեռուստաալիքը։ Նա նշել է, որ Ուկրաինայի վրա Ռուսաստանի լայնածավալ հարձակումը բացահայտել է Եվրոպայի թույլ կողմերը և Ռուսաստանի հետ հարաբերություններում թույլ տված ռազմավարական սխալները։
«Ես պետք լինեմ չափազանց անկեղծ լինեմ։ Եվրոպան հիմա բավարար ուժեղ չէ։ Առանց ԱՄՆ-ի մենք խնդիրներ կունենայինք»,-ասել է Ֆինլանդիայի վարչապետը՝հավելելով, որ Ուկրաինային պետք է տալ հնարավոր ամեն ինչ՝ Ռուսաստանի դեմ պատերազմում հաղթելու համար։ Միաժամանակ նա ընդգծել է, որ մինչ այժմ Ուկրաինան ԱՄՆ-ից է ստացել ամենամեծ ռազմական, տնտեսական և հումանիտար օգնությունը։
Մարինը ասել է, որ պետք էր «ավելի վաղ լսել բալթյան ու լեհ ընկերներին»։ Ֆինլանդիայի վարչապետը նաև ասել է, որ այնպիսի երկրներ, ինչպիսիք են Ավստրալիան և Ֆինլանդիան, պետք է նվազեցնեն կախվածությունը ավտորիտար պետություններից, հատկապես էներգիայի արտադրության և տեխնոլոգիայի ոլորտներում։
«Մենք պետք է դադարենք միամիտ վերաբերվել Չինաստանին»,-նշել է Մարինը։ Ըստ նրա՝ Ուկրաինայի տարածքների մասնակի օկուպացիան ցույց է տվել ժողովրդավար երկրների միջև ավելի սերտ համագործակցության կարևորությունը։
Էմմա Չոբանյան
