30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Բայրամովը ԵԱՀԿ նիստում բողոքել է կառույցի՝ Հայաստան ուղարկված առաքելությունից
Քաղաքականություն
02.12.2022 | 13:08
Ադրբեջանի ԱԳ նախարար Ջեյհուն Բայրամովը ԵԱՀԿ արտաքին գործերի նախարարների խորհրդի 29-րդ նիստում ելույթ ունենալիս բողոքել է կառույցի՝ Հայաստան ուղարկած փաստահավաք առաքելությունից ՝ այն անվանելով «մանդատի կոպիտ խախտում»։
«Կոնսենսուսով որոշումներ կայացնելու սկզբունքը հստակորեն արտացոլված է ԵԱՀԿ բոլոր հիմնական որոշումներում։ Այս առումով, այսպես կոչված, «կարիքների գնահատման առաքելություն» Հայաստան ուղարկելը հանդիսանում է անդամ-պետությունների հավաքական կամքով մանդատների բացահայտ խախտում։ Ադրբեջանը կոչ է անում ԵԱՀԿ բոլոր ինստիտուտների ուղղել իրենց լիազորությունների «կոպիտ խախտումը»»,-ասել է Բայրամովը։
Հավելենք, որ ավելի վաղ էլ Ադրբեջանի ԱԳՆ-ն էր հայտարարություն տարածել ԵԱՀԿ Հայաստան այցի առթիվ։ Բացի այդ՝ առաքելության այցից իր դժգոհությունն էր հայտնել նաև Թուրքիայի ԱԳ նախարար Մևլութ Չավուշօղլուն, թեև այցը որևէ կապ չուներ թուրքական կողմի հետ։
Հիշեցնենք, որ Հայաստանի հրավերով ԵԱՀԿ-ն հոկտեմբերի 21-27-ը կարիքների խումբ էր ուղարկել Հայաստան՝ գնահատելու իրավիճակը հայ-ադրբեջանական սահմանի երկայնքով ՀՀ բնակավայրերում ադրբեջանական ագրեսիայից հետո։ ԵԱՀԿ առաքելության այցը իրականացվել էր կառույցի մանդատին ու բոլոր նորմերին համապատասխան։
Էմմա Չոբանյան
