14.05.2026 | 23:29
Թուրքիայի և Վրաստանի քաղաքացիները 2025 թվականին ԵՄ-ից արտաքսումների թվով առաջին ու երկրորդ տեղերում են
Կառավարության անդամների զգալի մասը զինծառայություն չի անցել․ Վարդան Բոստանջյան․ ՏԵՍԱՆՅՈՒԹ
Հասարակություն
07.06.2018 | 13:40
«Պարո՛ն վարչապետ, Դուք նշում եք, որ առաջին հերթին կարևոր է ունենալ վստահություն վայելող Կառավարություն, բայց ես կուզենայի Ձեր մոտեցումը հասկանալ մեր երկրում տեղի ունեցող սակագների վերաբերյալ։ Արդյոք մենք կարող ենք միանգամից քաղաքացիների համար ապահովել սակագների իջեցում»,- նման հարց ուղղեց ԱԺ «Ծառուկյան» խմբակցության պատգամավոր Վարդան Բոստանջյանը վարչապետ Նիկոլ Փաշինյանին։
Ի պատասխան հարցին՝ վարչապետը նկատեց, որ ՌԴ-ում իր հանդիպումների ժամանակ ևս ընդգծվել է այն հանգամանքը, որ ՌԴ-ն մեզ գազ է մատակարարում էժան գնով, սակայն ՀՀ քաղաքացին ավելի թանկ է դրա համար վճարում, հետևաբար, ինքը չի բացառում, որ այստեղ կա անարդյունավետ կառավարման խնդիր կամ կոռուպցիոն ռիսկեր։
Վարչապետը նկատեց, որ նմանատիպ խնդիր կա նաև էլեկտրաէներգիայի սակագնի հետ կապված։
Վարդան Բոստանջյանի հաջորդ հացը վերաբերում էր զինծառայության խնդրին։ Պատգամավորը նկատեց, որ նոր նշանակված պաշտոնյաների զգալի մասը զինծառայություն չի անցել։
Պատգամավորի երկրորդ հարցին ի պատասխան՝ վարչապետն ասաց․ «Ես ինքս էլ զինծառայություն չեմ անցել, և 1991 թվականի օրենքով պետությունն ազատել է ինձ ծառայությունից և ասել է՝ գնա և զբաղվի այլ գործով։ Եթե պարզվի, որ Կառավարությունում որևէ անդամ օրենքի խախտմամբ է ազատվել բանակում ծառայությունից, ես ասում եմ, որ Կառավարության այդ անդամը տեղում կազատվի աշխատանքից»։
Մանրամասները՝ տեսանյութում։
