30.10.2026 | 12:42
Ըմբշամարտի ԱԱ. Արսեն Հարությունյանը և Արման Անդրեասյանը պարտվեցին
Գեղամ Գևորգյանը հանդիպել է Ֆրանսիայի մրցակցային մարմնի ղեկավարի հետ. քննարկվել են երկկողմ համագործակցության զարգացմանն առնչվող հարցեր
01.12.2022 | 15:28
Մրցակցության պաշտպանության հանձնաժողովի նախագահ Գեղամ Գևորգյանը Փարիզում հանդիպում է ունեցել Ֆրանսիայի մրցակցային մարմնի ղեկավար Բենուա Կյուրեի հետ. տեղեկացնում են ՄՊՀ-ից։
Հանդիպման ընթացքում երկու երկրների մրցակցային մարմինների ղեկավարները քննարկել են երկկողմ համագործակցության զարգացմանն ուղղված հարցերի լայն շրջանակ: Մասնավորապես անդրադարձ է կատարվել թվային շուկաներում մրցակցության խնդիրներին, մրցակցության ոլորտում շահերի պաշտպանությանը և հակամենաշնորհային կոմպլաենսի ներդրմանը, ինչպես նաև միջազգային տարբեր ծրագրերի շրջանակում հետագա համագործակցության զարգացմանն առնչվող հարցերի:
Իր խոսքում ՄՊՀ նախագահը շնորհակալություն է հայտնել Ֆրանսիայի պաշտոնակցին ջերմ ընդունելության համար՝ վստահություն հայտնելով, որ երկու գերատեսչությունների միջև գործընկերությունը, որը մեկնարկել է դեռևս 2012 թվականին կնքված փոխըմբռնման հուշագրով, կշարունակի նոր թափով ընդլայնվել և զարգանալ:
