17.08.2026 | 23:08
Զորականում և Ամասիայում շչակներ են փորձարկվելու
Թուրքիան արևմտյան մի շարք երկրների դեսպանատների զգուշացրել է անվտանգային նոր սպառնալիքների մասին․ Reuters
Քաղաքականություն
01.12.2022 | 23:30
Առնվազն Արևմտյան երկու դեսպանատներ նախազգուշացվել են Թուրքիայի մայրաքաղաք Անկարայում անվտանգության նոր սպառնալիքների մասին, իսկ Սերբիան զգուշացրել է իր քաղաքացիներին չմեկնել երկիր՝ Ստամբուլում պայթյունից երկու շաբաթ անց, այս մասին գրում է Reuters-ը, որին վկայակոչում է Duvar-ը։
Հիշեցնենք, որ նոյեմբերի 13-ին Ստամբուլի Իսթիքլալ պողոտայում պայթյունի հետևանքով 6 մարդ էր մահացել, 81-ը՝ վիրավորվել։
Արևմտյան Եվրոպայի երեք դեսպանատներ և մեկ խոշոր միջազգային կազմակերպություն Reuters-ին հայտնել են, որ Թուրքիայի իշխանությունները նախազգուշացրել են հնարավոր սպառնալիքների մասին՝ խնդրելով անուններ չասել խնդրի զգայունությունը հաշվի առնելով։ Թուրքիայի պաշտպանության և ներքին գործերի նախարարությունները հրաժարվել են մեկնաբանել այս նախազգուշացումները։ Սերբիայի ԱԳ նախարար Իվիչա Դաչիչն էլ ասել է, որ երկրի քաղաքացիները պետք է խուսափեն Թուրքիա և հատկապես Անկարա մեկնելուց առաջիկա շաբաթներին հնարավոր հարձակումների պատճառով:
«Ես ցանկանում եմ զգուշացնել քաղաքացիներին, որ անվտանգային գործակալությունների տեղեկություններով՝ ահաբեկչական հարձակումներ կարող են սպասվել առաջիկա մի քանի շաբաթների ընթացքում և այդ տեղեկատվությունը վերաբերում է Թուրքիայի մայրաքաղաք Անկարային», – ասել է նա՝ հավելելով, որ վտանգն առկա է նաև Թուրքիայի այլ մասերում։
Էմմա Չոբանյան
