17.08.2026 | 23:08
Զորականում և Ամասիայում շչակներ են փորձարկվելու
Պենտագոնը 1,2 մլրդ դոլար կհատկացնի Ուկրաինա NASAMS համակարգեր մատակարարելու համար
Քաղաքականություն
01.12.2022 | 12:12
ԱՄՆ պաշտպանության նախարարությունը պայմանագիր կկնքի ամերիկյան պաշտպանական և օդատիեզերական Raytheon Technologies ընկերության հետ՝ NASAMS շարժական հակաօդային պաշտպանության համակարգերի (SAM) արտադրության համար՝ դրանք հետագայում Ուկրաինա տեղափոխելու համար։ Այս մասին, հայտնել է Reuters գործակալությունը՝ հղում անելով Վաշինգտոնում իրազեկ աղբյուրին։
Գործակալության թղթակիցը, որը առիթ է ունեցել ծանոթանալու համապատասխան փաստաթղթին, հայտնել է, որ պայմանագրի գումարը կկազմի 1,2 մլրդ դոլար։ Պայմանագրի ժամկետները, ինչպես նաև այլ մանրամասներ չեն հաղորդվում: Պաշտոնյաների կողմից այս հարցի վերաբերյալ մեկնաբանություններ դեռ չկան։ԱՄՆ-ն արդեն մի քանի NASAMS կայանքներ փոխանցել է Կիևին:
Սեպտեմբերի 25-ին նախագահ Զելենսկին հայտարարեց ամերիկյան հակաօդային պաշտպանության համակարգերի մատակարարման մասին, իսկ նոյեմբերի 7-ին՝ պաշտպանության նախարար Ռեզնիկովը։ Վերջինս նշել է, որ այդ կայանքները «զգալիորեն ուժեղացնում են ուկրաինական բանակը» և ավելի անվտանգ դարձնում Ուկրաինայի երկինքը։
Տաթև Ֆռանգյան
