30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Գետերի և օդի աղտոտվածության 90 %-ը մասնավորի գործունեությունից է․ փոխնախարար․ ՏԵՍԱՆՅՈՒԹ
Տեսանյութեր
30.11.2022 | 18:03
ՀՀ ԱԺ տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության հարցերի մշտական հանձնաժողովի այսօրվա նիստում երկրորդ ընթերցմամբ քննարկվեցին «Մթնոլորտային օդի պահպանության մասին» օրենքում և կից օրենքներում առաջարկվող նոր կարգավորումները։
ՀՀ շրջակա միջավայրի նախարարի տեղակալ Գայանե Գաբրիելյանը նշեց, որ առաջինից երկրորդ ընթերցման ընթացակարգում հարցը քննարկվել է գլխադասային հանձնաժողովում և ներկայացվել է լրամշակված ու փոխհամաձայնեցված տարբերակը:
Օրենքի ընդունումը միտված է մթնոլորտային օդի պահպանության իրավական և կազմակերպչական հիմքերի սահմանմանը՝ ուղղված մթնոլորտային օդի որակի պահպանությանը:
Պատգամավորներն իրենց հարցադրումներում անդրադարձան մասնավոր ընկերությունների համար մոտիվացիոն գործիքների կիրառմանը, մթնոլորտային օդի աղտոտվածության բացասական հետևանքներին, մոնիթորինգային կենտրոնների տեխնիկական հագեցվածությանը և այլն:
«Գետերի և օդի աղտոտվածության 90 %-ը մասնավորի գործունեությունից է։ Միջոցառումներ պետք է ձեռնարկել իրավիճակը շտկելու համար, դրա համար ներդրումներ են անհրաժեշտ։ Սա միայն պետության բեռը չէ, այլ նաև մասնավորի, ուստի մասնավորն էլ պետք է ստանձնի պարտավորություն։ Յուրաքանչյուրի սահմանադրական պարտքն է պահպանել երկրում հիմնարար նորմերը, որից մեկը առողջությունն է»,- նշեց Գաբրիելյանը։
«Մթնոլորտային օդի պահպանության մասին» օրենքում և կից օրենքներում առաջարկվող նոր կարգավորումների վերաբերյալ նախագիծն արժանացավ հանձնաժողովի դրական եզրակացությանը:
Մանրամասները՝ տեսանյութում։
