08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Հնդկաստանն ու Ֆրանսիան խումբ են ստեղծում Ուկրաինայում ռազմական գործողությունների փորձն ուսումնասիրելու համար
Քաղաքականություն
30.11.2022 | 18:41
Հնդկաստանն ու Ֆրանսիան փորձագետների աշխատանքային խումբ են ստեղծելու Ուկրաինայում ռազմական գործողությունները վերլուծելու համար։ Այս մասին գրում է ՏԱՍՍ-ը՝ հղում անելով Hindustan Times-ին։
Լրատվականի տվյալներով՝ մասնագետների նպատակն է լինելու «օպերատիվ, ռազմատեխնիկական և քաղաքական դասեր քաղել» շարունակվող ռազմական գործողություններից։ Նշվում է, որ աշխատանքային խմբում կընդգրկվեն «երկու երկրների արտաքին գործերի նախարարությունների և ուժային կառույցների ներկայացուցիչներ»։ Սպասվում է, որ այս խմբի ստեղծումն ու այլ հարցեր քննարկվելու են 2023 թ-ին Ֆրանսիայի նախագահ Էմանուել Մակրոնի դիվանագիտական խորհրդական Էմանուել Բոննի՝ Հնդկաստան այցի ընթացքում։
Նշվում է, որ Ուկրաինայի հարցով աշխատանքային խումբ ստեղծելու որոշումն ընդունվել է պաշտպանության և անվտանգության ոլորտում Նյու Դելիի և Փարիզի համագործակցության ակտիվ ընդլայնման ֆոնին։
Ֆրանսիայի ՊՆ ղեկավար Սեբաստաին Լեկորնուն նոյեմբերի 28-ին Հնդկաստան կատարած այցի ընթացքում հանդիպումներ է ունեցել Հնդկաստանի իր գործընկերոջ՝ Ռաջնատ Սինգխի , ԱԳ նախարարի և Ազգային անվտանգության հարցերով խորհրդականի հետ, քննարկվել է երկկողմ ռազմատեխնիկական համագործակցությունը։
Հաղորդվում է, որ կողմերը շատ մոտ են ապագա պատերազմների վարման համար անհրաժեշտ բարձր տեխնոլոգիական հարթակների համատեղ նախագծման, մշակման և արտադրության մասին համաձայնագրի ստորագրմանը։ Հնդկաստանն ու Ֆրանսիան մտադիր են խորացնել համագործակցությունը նաև ծովի հատակի և տիեզերքի ուսումնասիրության հարցում։
Էմմա Չոբանյան
