14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Հայաստանում ռուսաստանցիների ժամանակավոր գրանցումների թիվը քառապատկվել է
Քաղաքականություն
30.11.2022 | 16:03
Հայաստանում սեպտեմբերի 21-ից նոյեմբերի 11-ն ընկած ժամանակահատվածում կեցության վայրում գրանցվել է 2820 ռուսաստանցի, հայտնել են Հայաստանի ոստիկանության մամուլի ծառայությունից՝ ի պատասխան ՌԲԿ-ի հարցման։ Սա գրեթե չորս անգամ ավելի է, քան նախորդ տարվա նույն ժամանակահատվածում:
Ժամանակավոր բնակության թույլտվություն ստանալու համար դիմողների թիվը նույնպես ավելացել է՝ մեկուկես ամսում կացության թույլտվության համար դիմել է 708 ռուսաստանցի։ Նախորդ տարվա նույն ժամանակահատվածում դիմողների թիվը եղել է 2,5 անգամ պակաս՝ 277։ Այս ընթացքում կացության թույլտվություն է ստացել 273 մարդ, նախորդ տարի՝ 257 մարդ։
Ռուսաստանի քաղաքացիները տարվա ընթացքում Հայաստանում գտնվելու իրավունք ունեն ոչ ավելի, քան 180 օր։ Եթե ռուսաստանցին նախատեսում է երկրում մնալ ավելի քան 30 օր, ապա նա պետք է գրանցվի կեցության վայրում:
Հիշեցնենք՝ սեպտեմբերի 21-ին Ռուսաստանում մասնակի մոբիլիզացիա հայտարարվեց, ինչից հետո զգալիորեն աճեց ռուսաստանցիների հոսքը։ Պուտինի հրամանագրի հրապարակումից հետո հսկայական հերթեր էին գոյացել Վրաստանի, Ղազախստանի և Ֆինլանդիայի հետ սահմաններին։
Տաթև Ֆռանգյան
