26.11.2024 | 15:45
Դրոշակից ճանաչեցի, որ պատգամավոր է. ավտոբուսի վարորդ․ ՏԵՍԱՆՅՈՒԹ
Ինչպես հեռացել է կեղծիքներով ընտրված գործադիր իշխանությունը, այնպես էլ պետք է հեռանա կեղծիքներով ընտրված օրենսդիր իշխանությունը․ ՀՀ վարչապետ
Քաղաքականություն
07.06.2018 | 11:36
Ազգային ժողովի արտահերթ նիստում ՀՀ վարչապետ Նիկոլ Փաշինյանը օրենսդիրին է ներկայացնում նոր Կառավարության ծրագիրը։
Վարչապետը հայտարարեց, որ ՀՀ կառավարության գործունեության առանցքային նպատակը 2018 թվականի ապրիլ-մայիս ամիսներին Հայաստանում տեղի ունեցած ոչ բռնի, թավշյա, ժողովրդական հեղափոխության արժեքների ամրագրումն է՝ որպես հանրային և ազգային հարաբերությունների հիմք և հեղափոխության գաղափարների իրագործում, որպես մշտական քաղաքական իրողություն:
Ի թիվս մի շարք բարփոխումների անհրաժեշտության՝ Նիկոլ Փաշինյանը խոսեց արտահերթ ընտրությունների անցկացման անհրաժեշտության մասին և նշեց․ «Ինչպես հեռացել է կեղծիքներով ընտրված գործադիր իշխանությունը, այնպես էլ պետք է հեռանա կեղծիքներով ընտրված օրենսդիր իշխանությունը»։
Գործադիրի ղեկավարը ԱԺ ամբիոնից նաև կոչով դիմեց հայրենիքից հեռու գտնվող երիտասարդներին՝ հրավիրելով նրանց Հայաստան: «Սպասում եմ յուրաքանչյուրիդ, ապացուցեք, որ հաղթանակած ժողովրդի դուխով զավակներն եք»,- ասաց վարչապետը՝ ևս մեկ անգամ ընդգծելով, որ հետախուզման մեջ գտնվող այն հայորդիները, որոնք չեն ծառայել Հայոց բանակում, Հայաստան վերադառնալուց հետո որևէ պատասխանատվության չեն ենթարկվի, եթե ինքնակամ գնան և ծառայեն բանակում։
