07.06.2026 | 12:59
Կիբերհարձակումները կարող են սկսվել ընտրության հաջորդ օրը՝ որպես պատժամիջոց․ Սամվել Մարտիրոսյան. ՏԵՍԱՆՅՈՒԹ
Չինաստանում շարունակվում են բողոքի ցույցերը կորոնավիրուսային սահմանափակումների դեմ
Քաղաքականություն
28.11.2022 | 17:07
Չինաստանի մայրաքաղաք Պեկինում և բազմաթիվ այլ քաղաքներում շարունակվում են բողոքի զանգվածային ցույցերը՝ ընդդեմ սահմանափակող խիստ միջոցների, որոնք երկրի իշխանությունները կապում են SARS-CoV-2 կորոնավիրուսի բռնկման հետ։
Պեկինում ցուցարարները գլխավերևում սպիտակ թղթեր են պահել՝ բողոքելով երկրում գրաքննության դեմ, հաղորդում է DW-ի ռուսական ծառայությունը։ Մարդիկ վանկարկում են՝ «Հանեք կարանտինը» և «Մենք չենք ուզում PCR թեստեր, մենք ազատություն ենք ուզում»։ Ոստիկանությունը ցուցարարների է բերման է ենթարկել, նրանց թիվը հայտնի չէ։ Բողոքի երթեր են անցկացվել նաև Չինաստանի այլ քաղաքներում՝ Շանհայում, Չենդուում, Չունցինում, Ուհանում և Նանջինգում։ Դժգոհությունն աճում է նաև բուհերում, սոցցանցերը հեղեղվել են տեսանյութերով, որոնք արագորեն հեռացվել են գրաքննիչների կողմից, գրում է dpa-ն։ BBC-ն հայտնում է, որ Շանհայում ցույցերը լուսաբանելիս ձերբակալվել և ոստիկանների կողմից ծեծի է ենթարկվել իրենց թղթակից Էդ Լոուրենսը։
Սրանք Չինաստանում 1989 թվականի դեմոկրատական շարժումից ի վեր ամենախոշոր բողոքի ցույցերն են, որոնք դաժանորեն ճնշվեցին զինվորականների կողմից և պատմության մեջ մնացին «Տյանանմենի կոտորած» անունով, – նշում է գործակալությունը։
The BBC has responded to the arrest of one of its journalists in Shanghai today with the following, uncharacteristically striking quotes. Including the revelation that he was kicked and beaten by police. A shocking development. pic.twitter.com/t3uldMWRjz
— Adam Solomons (@adamsolomons5) November 27, 2022
Տաթև Ֆռանգյան
