17.08.2026 | 23:08
Զորականում և Ամասիայում շչակներ են փորձարկվելու
էլեկտրաէներգիայի անջատումները կարող են տևել մինչև գարուն․ Կլիչկո
Քաղաքականություն
28.11.2022 | 18:00
Կիևում էլեկտրաէներգիայի խափանումները, որոնք ՌԴ-ի կողմից ուկրաինական էներգետիկ ենթակառուցվածքներին ուղղված հարվածների հետևանք են, կարող են տևել մինչև գարուն, նախազգուշացրել է Կիևի քաղաքապետ Վիտալի Կլիչկոն, գրում է RTVI-ը։
«Մենք փորձում ենք հնարավորինս արագ վերականգնել ամեն ինչ, անցնել հստակ գրաֆիկի, որպեսզի անակնկալներ չլինեն, բայց պետք է պատրաստ լինել, որ հոսանքազրկումները կարող են լինել մինչև գարուն»,- ասել է նա RBC-Ukraine-ին տված հարցազրույցում։ Կլիչկոյի խոսքով՝ մասնագետներն աշխատում են էլեկտրաէներգիայի մատակարարումը վերականգնելու ուղղությամբ, դրա համար սարքավորումների մի մասը պատվիրվել է Արևմուտքից։
«Մարդիկ միշտ ավելի շատ էլեկտրաէներգիա են սպառում ցուրտ եղանակին: Հետևաբար՝ էներգետիկ համակարգի վրա մեծ ծանրաբեռնվածություն կա»,- հավելել է նա: Ըստ կլիչկոյի՝ քաղաքը պատրաստվում է տարբեր սցենարների, այդ թվում՝ բնակիչների մասնակի տարհանման։
«Եվս մեկ անգամ կրկնում եմ՝ մենք պետք է պատրաստ լինենք տարբեր, այդ թվում՝ վատ սցենարների։ Այս դեպքում մեզանից յուրաքանչյուրն ունի գործողությունների ալգորիթմ, նույնիսկ տարհանման դեպքում։ Չեմ բացառում ամենավատ սցենարը. ամբողջական տարհանում չի լինի՝ գուցե մասնակի, բայց դա տարհանում անվանել չի կարելի։ Սա որոշակի կատեգորիաների մարդկանց ժամանակավոր տեղափոխումն է արվարձաններ, որտեղ կարող են լինել ծառայություններ», – ասել է Կիևի քաղաքապետը:
Տաթև Ֆռանգյան
