13.01.2026 | 20:00
Քոչարյանը, Կարապետյանը, Սարգսյանը չեն դատապարտի Սոլովյովին․ իրենք ՀՀ-ն ՌԴ-ի կազմում են ուզում տեսնել․ Արփի Դավոյան․ ՏԵՍԱՆՅՈՒԹ
Ֆրանսիան պատրաստ է աջակցել Փաշինյանի և Ալիևի հետագա բանակցություններին
Քաղաքականություն
26.11.2022 | 12:50
Ֆրանսիան շարունակում է հավատարիմ մնալ Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի միջև բանակցություններին աջակցելուն. գրում է ՌԻԱ Նովոստին՝ հղում անելով Ֆրանսիայի ԱԳՆ ներկայացուցչին։
«Ֆրանսիան, ինչպես և առաջ, լիովին հավատարիմ է Բրյուսելում, Պրահայում և Վաշինգտոնում կայացած հանդիպումներից հետո ընթացող բանակցություններին աջակցելուն»,-ասել է Ֆրանսիայի ԱԳՆ ներկայացուցիչը` պատասխանելով հարցին, թե մտադիր է արդյոք Ֆրանսիան նախագահ Էմանուել Մակրոնի մասնակցությամբ Փաշինյանի և Ալիևի միջև հանդիպումների տարբերակներ առաջարկել:
Հիշեցնենք, որ Ադրբեջանի նախագահ Իլհամ Ալիևը հայտարարել էր, որ մերժում է դեկտեմբերի 7-ին Բրյուսելում Հայաստանի վարչապետ Նիկոլ Փաշինյանի հետ հանդիպմանը մասնակցությունը։
«Բրյուսելում հանդիպումը պետք է տեղի ունենար դեկտեմբերի 7-ին։ Սակայն երեկ Հիքմեթ Հաջիևը ինձ տեղեկացրեց, որ իր հետ կապվել են ԵԽ նախագահ Շառլ Միշելի գրասենյակից ու տեղեկացրել, որ Հայաստանի վարչապետ Նիկոլ Փաշինյանը կհամաձայնի հանդիպմանը միայն այն պայմանով, որ դրան մասնակցի Ֆրանսիայի նախագահ Էմանուել Մակրոնը։ Դա նշանակում է, որ հանդիպումը չի կայանա»,- ասել էր Ալիևը։
