09.04.2026 | 17:50
Իրանը զգուշացնում է՝ Իսրայելի կողմից Լիբանանի վրա հարձակումները սպառնում են հրադադարին և ԱՄՆ-ի հետ բանակցություններին
Թավշյա հեղափոխությունը դարձավ Արցախի պետնախարարի հրաժարականի պատճառ
06.06.2018 | 18:04
Արցախի նախկին պետական նախարար Արայիկ Հարությունյանը հակասություն չի տեսնում նրանում, որ մի տարի առաջ նույն կադրերի գործունեությանը համաձայն քաղաքացին այսօր պահանջում է նույն կադրերի հրաժարականը։
«Հակասություն չկա, կարող է մեկ ժամվա ընթացքում փոփոխություն լինի ժողովրդի մտածելակերպի մեջ, ժամերի ընթացքում փլվում են պետական ապարատներ։ Հայաստանյան զարգացումներն են մեզ ավելի շատ բերել դրան»,-ասաց Արայիկ Հարությունյանը՝ նշելով, որ ոչ թե Արցախում տեղի ունեցած միջադեպն է եղել իր հրաժարականի պատճառը, այլ Հայաստանում տեղի ունեցող իրադարձությունները։
Արայիկ Հարությունյանը նաև նշեց, որ հրաժարականից առաջ Արցախի նախագահ Բակո Սահակյանի հետ քննարկել է, թե ինչպիսի բարեփոխումներ պետք է իրականացնեն․ «Պետք են կադրային լուրջ փոփոխություններ, որը պլանավորել է երկրի նախագահը, ու կոնկրետ մենք՝ այսօր դիմում ներկայացնողներս, օգնում ենք նախագահին ավելի արագ իրականացնել բարեփոխումները», – նշեց նա՝ շեշտելով, որ իր հրաժարականից Արցախի ժողովուրդը ոչ մի բան չի կորցնի,․սակայն, կշահի շատ բաներ։
