18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Բաքուն Իրանի հատուկ ծառայություններին մեղադրում է Ադրբեջանի դեմ հետախուզադիվերսիոն գործողությունների մեջ
Քաղաքականություն
24.11.2022 | 14:38
Բաքուն շարունակում է սրել Թեհրանի հետ հարաբերությունները։ Մասնավորապես, այսօր Ադրբեջանի Անվտանգության խորհրդի կողմից Բաքվում կազմակերպված Արցախյան 44-օրյա պատերազմի փորձը թեմայով համաժողովի ժամանակ Պետական անվտանգության ծառայության պետի առաջին տեղակալ, գեներալ-լեյտենանտ Ջեյհուն Շադլինսկին Իրանի դեմ մեղադրանքներ է հնչեցրել, գրում են ադրբեջանական լրատվականները։
Նա նշել է, որ Իրանի հատուկ ծառայություններն Ադրբեջանի դեմ ակտիվ հետախուզական և դիվերսիոն գործողություններ են իրականացնում։ Շադլինսկին նաև հավելել է, որ ձեռնարկվել են կտրուկ միջոցներ՝ այլ մանրամասներ չներկայացնելով։
Հավելենք, որ ավելի վաղ Ադրբեջանի Պետանվտանգության ծառայությունը Թեհրանի հետ լարված հարաբերությունների պայմաններում հայտարարել էր, իբր, Իրանի հատուկ ծառայությունների կողմից ստեղծված լրտեսական ցանցի և անօրինական զինված խմբավորման բացահայտման մասին։
Էմմա Չոբանյան
