23.05.2026 | 10:09
ՀՀ տարածքում ավտոճանապարհները հիմնականում անցանելի են
Արցախում սրացում պետք չէ. Ֆելիքս Ցոլակյան. ՏԵՍԱՆՅՈՒԹ
Քաղաքականություն
06.06.2018 | 14:38
Ազգային ժողովի անկախ պատգամավոր Ֆելիքս Ցոլակյանը չի կիսում տեսակետը, որ պետք է մանդատը վայր դնի, քանի որ Շիրակի համար դեռևս անելիք ունի։ Այս մասին այսօր Ազգային ժողովում լրագրողների հետ զրույցում ասաց պատգամավորը՝ հերքելով նաև լուրը, որ իրեն վաղուց են ցանկացել հեռացնել ԱԺ ՀՀԿ խմբակցությունից։
Factor.am-ի հարցին՝ ինչպիսինն է պատգամավորի վերաբերմունքը Արցախում վերջին օրերին տեղի ունեցող ընդդիմադիր ակցիաների վերաբերյալ, ֆելիքս Ցոլակյանը պատասխանեց․ «Ինչքան շուտ այդ հարցերը կարգավորեն, այնքան լավ»։
Ճշտող հարցին՝ ժողովուրդն իրավունք ունի արդյոք պահանջել իշխանափոխություն, պատգամավորը արձագանքեց․ «Ժողովուրդը միշտ իրավունք ունի, բայց պահանջները Ղարաբաղի հետ կապված չպետք է համեմատենք Հայաստանի հետ։ Այնտեղ պետք է զգույշ լինեն։ Շատ արագ լուծումներ պետք է տալ, որ սա չունենա տարածվելու հնարավորություն։ Արցախում որևէ հարցում սրացում պետք չէ»,- ասաց պատգամավորը։
Մանրամասները՝ տեսանյութում։
