16.11.2024 | 15:19
Не виноватая я, он сам пришел. մահացել է «Ադամանդե ձեռքը» հայտնի ֆիլմի դերասանուհի Սվետլանա Սվետլիչնայան
ԱՁ-ներով հեղափոխական գործունեություն եմ իրականացրել․ Ժիրայր Սեֆիլյան
06.06.2018 | 13:46
Շուշիի առանձնակի գումարտակի հրամանատար Ժիրայր Սեֆիլյանի և մյուսների գործով դատական նիստն այսօր, ի տարբերություն նախորդ նիստի, կայացավ:
Դատավորները նիստի սկզբում հետաքրքրվեցին` արդյոք ամբաստանյալների կենսագրական տվյալներում կա որևէ անճշտություն:
Ժիրայր Սեֆիլյանի պաշտպան Տիգրան Հայրապետյանն ասաց, որ Սեֆիլյանի կենսագրական տվյալներում գրված է, թե նա չի աշխատում, մինչդեռ Սեֆիլյանը վերջին 15 տարում քաղաքական գործունեություն է ծավալել: Սեֆիլյանը հավելեց` հեղափոխական գործունեություն:
Դահլիճից կատակեցին, թե ինչու հարկեր չի մուծել այդ դեպքում, Սեֆիլյանն էլ պատասխանեց` ԱՁ-ներով եմ աշխատել:
Փաստաբաններն այսօր միջնորդում են իրենց պաշտպանյալների խափանման միջոցը փոխել: Փաստաբան Տիգրան Հայրապետյանը նշեց` քաղաքական իրավիճակ է փոխվել, հրահանգներով շարժվող հանցախումբն այլևս չկա:
Դատավորներն էլ հակադարձեցին, որ դատարաններն անկախ են գործում և իրենց իրականացրած արդարադատության վրա արտաքին ազդեցություն չկա:
Դատական նիստը շարունակվում է: Փաստաբանները միջնորդություններ են ներկայացնում:
