16.09.2026 | 10:44
Եվրահանձնաժողովն իր զեկույցում անդրադարձել է Հայաստանին․ կլինի՞ ՀՀ-ն 2027թ-ի՝ ԵՄ-ի առաջնահերթություններում
Թուրքիայի ռազմաօդային ուժերը վերսկսել են Սիրիայի տարածքի ուղղությամբ ավիահարվածները․ ԶԼՄ
Քաղաքականություն
21.11.2022 | 20:21
Թուրքիայի ռազմաօդային ուժերի F-16 կործանիչները վերսկսել են հարձակումները Սիրիայում Քուրդիստանի աշխատավորական կուսակցության և Ժողովրդական ինքնապաշտպանության ջոկատների (Անկարայի կողմից ահաբեկչական ճանաչված) քրդական կազմավորումների դիրքերի ուղղությամբմ։ Այս մասին գրում է ՏԱՍՍ-ը՝ վկայակոչելով CNN Turk-ին։
Թուրքական հեռուստաալիքը նշում է, որ ավիահարվարծները հասցվում են Քոբանի շրջանին՝ ի պատասխան այսօր Թուրքիայի բնակավայրերի հրթիռակոծման։
Սահմանային Օնջուփինարը կիրակի հարձակման էր ենթարկվել, ինչի հետևանքով վիրավորվել էին Թուրքիայի անվտանգության ծառայության երեք աշխատակիցներ։ Այսօր էլ առնվազն հինգ հրթիռ է պայթել Քարքամիշ քաղաքում, արկերն ընկել են լիցեյի և բնակելի շենքերի վրա։ Երեք մարդ մահացել է, այդ թվում՝ մեկ երեխա։
Հավելենք, որ Թուրքիան այս ամենի պատասխանատու է համարում PKK-ին։ Ի դեպ, նախօրեին Թուրքիան Իրաքի և Սիրիայի հյուսիսում, իբր, քուրդ զինյալների դեմ սկսել էր ավիագործողություն, որի հետևանքով սպանվել են նաև տասնյակ խաղաղ բնակիչներ, թիրախավորվել քաղաքացիական բնակավայրեր։
Էմմա Չոբանյան
