09.10.2026 | 11:42
Լոռիում քննարկվել է ԱԲ-ի կիրառումը հաշմանդամություն ունեցող անձանց իրավունքների պաշտպանության համար
Ինչ զենք և զինամթերք է ԱՄՆ-ը մատակարարել Ուկրաինային․ Պետդեպը տվյալներ է հրապարակել
Քաղաքականություն
21.11.2022 | 22:19
ԱՄՆ-ն այս տարվա փետրվարի վերջից Ուկրաինային մատակարարել է ավելի քան 88 հազար տոննա զենք և ռազմական տեխնիկա՝ ընդհանուր 21,5 միլիարդ դոլարի չափով։ Այս մասին հայտնում է Ինտերֆաքս-Ուկրաինան՝ վկայակոչելով ԱՄՆ Պետքարտուղարության հրապարակած տվյալները։
Մասնավորապես, Ուկրաինան ստացել է 236 միավոր հրետանային համակարգ՝ 142 քարշակվող 155 մմ տրամաչափի M777A2 հաուբից և 36 105 մմ տրամաչափի հաուբից։ Մատակարարվել է նաև 38 HIMARS բազմակի հրթիռային կայանք և 20 120 մմ ականանետ։
Բացի այդ, Ուկրաինայի Զինված ուժերը ստացել են ավելի քան 1 միլիոն հրետանային արկ, 108,5 հազար շարժական հրթիռային համակարգ՝ զրահապատ թիրախների դեմ պայքարի համար, 1,4 հազար շարժական զենիթահրթիռային համակարգ, 15 ուղղաթիռ, 46 ռադար, 10,2 հազար գնդացիր և ատրճանակ, ավելի քան 70 միլիոն փամփուշտ ավտոմատների ու հրացանների համար և 26 պարեկային նավ:
Զենքի առաքման համար ծանր տրանսպորտային ինքնաթիռները՝ ինչպես ռազմական, այնպես էլ Պենտագոնի կողմից վարձակալված, կատարել են 878 թռիչք դեպի Եվրոպա: Ներգրավվել են նաև 48 նավ և 4000 կցասայլեր։
Հիշեցնենք, որ նոյեմբերի 10-ին Միացյալ Նահանգները հայտարարեց Ուկրաինային ռազմական օգնության նոր փաթեթ տրամադրելու մասին։ Այն ներառում է Avenger հակաօդային պաշտպանության համակարգեր, հակաօդային պաշտպանության հրթիռներ, հրետանային արկեր և բազմաթիվ այլ սարքավորումներ։
Տաթև Ֆռանգյան
