11.04.2026 | 22:24
Այցելել եմ երեկվա ողբերգական վթարից տուժած փոքրիկներին․ Ավանեսյան
Սիրիայի հյուսիսից 5 հրթիռ է արձակվել Թուրքիայի հարավի ուղղությամբ․ հրթիռակոծությունը մի քանի մարդու կյանք է խլել
Քաղաքականություն
21.11.2022 | 14:24
Թուրքիայի հարավային Գազիանթեփի շրջանը հրթիռակոծության է ենթարկվել, գրում են թուրքական լրատվամիջոցները։
Հաղորդվում է, որ Սիրիայից սահմանային Քարքամիշ բնակավայրն է հրթիռակոծվել, արձակվել է 5 հրթիռ։ Ըստ թուրքական կողմի՝ դրանք արձակվել են PKK/YPG-ի կողմից։
Գազիանթեփի նահանգապետ Դավութ Գյուլը հայտնել է, որ զոհվել է 2 մարդ, 6 վիրավոր կա։
«Ահաբեկչական կազմակերպության կողմից Եփրատի արևելքից հինգ հրթիռ է արձակվել Քարքամիշ շրջանի կենտրոնի ուղղությամբ։ Քաղաքացիական բնակավայրերի վրա հարձակման հետևանքով զոհվել է մեր 2 համաքաղաքացի, վիրավորվել է 6 քաղաքացի, որոնցից 2-ի վիճակը ծանր է։ Մանրամասն տեղեկություններ կհաղորդվեն ավելի ուշ»,- գրել է նա թվիթերյան իր էջում։
Նշվում է, որ պայթյունները տեղի են ունեցել լիցեի, երկու բնակելի տան մոտ, հարված է հասցվել նաև անցակետից ոչ հեռու կայանված բեռնատարին։
Հավելենք, որ նախօրեին Թուրքիայի իշխանությունները Սիրիայի և Իրաքի հյուսիսում ռազմաօդային գործողություն էին իրականացրել, իբր,«քուրդ ահաբեկիչների» դեմ։ Հարվածներ էին հասցվել նաև քաղաքացիական բնակչությանը, որի հետևանքով կան տասնյակ զոհեր։
Էմմա Չոբանյան
