27.06.2026 | 21:49
Վուչիչը հայտարարել է նախագահի պաշտոնում իր «վերջին օրերի» մասին
Թուրքիայի ԶՈՒ-ն Սիրիայում ցամաքային գործողություններ կարող է սկսել
Քաղաքականություն
21.11.2022 | 11:55
Թուրքիան ցամաքային գործողություն է նախապատրաստում Սիրիայի հյուսիսում, գրում է Yeni Şafak-ը՝ հղում անելով սեփական աղբյուրներին, փոխանցում է ՌԻԱ Նովոստին։
«Ճանկ-թուր» օդային գործողության ընթացքում ոչնչացվել է Քրդստանի աշխատավորական կուսակցության (PKK) 89 թիրախ, այդ թվում մի քանի բարձրաստիճան ղեկավար: Գործողությունը դիտվում է որպես Սիրիայում ցամաքային գործողության առաջին քայլ»,- գրում է թերթը։
Հաղորդվում է, որ երկրի վեց տարբեր բազաներից օդ բարձրացած ինքնաթիռները միաժամանակյա գործողություններ են իրականացրել Սիրիայի և Հյուսիսային Իրաքի թիրախների դեմ:
«Գործողության ընթացքում, որն իրականացվել է մարտական և աջակցող ինքնաթիռներով, ինչպես նաև անօդաչու թռչող սարքերով, ոչնչացվել են թիրախներ, այդ թվում՝ ահաբեկիչներին պատկանող ապաստարաններ, բունկերներ, քարանձավներ, թունելներ և պահեստներ», – նշվում է հրապարակման մեջ։
Տաթև Ֆռանգյան
