31.10.2026 | 14:42
COP17-ի շրջանակում ընդունվել է շուրջ 50 որոշում․ արդյունքները գերազանցել են սպասելիքները․ նախարար
ԱՄՆ-ի ՀԴԲ-ն մտահոգություն է հայտնել TikTok-ի հետ կապված
Քաղաքականություն
20.11.2022 | 14:54
Հետաքննությունների դաշնային բյուրոյի տնօրեն Քրիստոֆեր Ռեյն ասել է, որ գործակալությունը «ազգային անվտանգության մտահոգություններ ունի» TikTok-ի հետ կապված, գրում է Ամերիկայի ձայնը:
Հայտարարությունը հնչել է այն ժամանակ, երբ չինական ընկերությունը աշխատում է ԱՄՆ կառավարությունից երկրում իրենց գործունեությունը շարունակելու թույլտվություն ստանալու շուրջ:
Կոնգրեսում հնչած հայտարարությունում Ռեյը նշել է, որ այս մտահոգությունները մասամբ կապված են «չինական կառավարության կողմից միլիոնավոր օգտատերերի տվյալների հավաքագրումը վերահսկելու և դրանք օգտագործելու հնարավորության հետ»:
Ըստ Ռեյի, կան նաև մտավախություններ, որ Չինաստանի կառավարությունը կարող է «վերահսկել մարդկանց ցուցադրվող տիկտոկների ալգորիթմը, ինչը հնարավոր է օգտագործվել ազդեցիկ գործողություններ իրականացնելու կամ անձնական սարքերի տեխնիկական վտանգի ներուժ ստեղծելու համար»:
Ռեյը Չինաստանի արտաքին հետախուզական հնարավոր գործողությունները անվանել է «մեր ազգի գաղափարների, նորարարությունների և տնտեսական անվտանգության ամենամեծ երկարաժամկետ սպառնալիքը»:
Այնուամենայնիվ, նա հրաժարվել պատասխանել օրենսդիրի այն հարցին, թե արդյո՞ք Չինաստանի կառավարությունը TikTok-ն օգտագործում է ամերիկյան քաղաքացիների վերաբերյալ տվյալներ հավաքելու համար:
