Քաղաքականություն
20.11.2022 | 10:45
Արարատի մարզի դատախազ, արդարադատությանն երրորդ դասի պետական խորհրդական, 53-ամյա Արմեն Չիչոյանը ՀՀ գլխավոր դատախազ Աննա Վարդապետյանի հրամանով փոխադրվել է Շիրակի մարզ։ Նա դատախազի պաշտոնը կստանձնի նոյեմբերի 22-ից։ Այս մասին գրված է ՀՀ գլխավոր դատախազի հրամանում։
Արմեն Չիչոյանը 1994 թվականից սկսած աշխատում է դատախազությունում։ Վերջինս տարբեր պաշտոններ է զբաղեցրել․ աշխատել է Գեղարքունիքի մարզի դատախազությունում, այնուհետ Շենգավիթ վարչական շրջանի դատախազությունում՝ որպես դատախազի տեղակալ, իսկ 2013 թվականից` նույն շրջանի դատախազ։
Չիչոյանը զբաղեցրել է նաև Էրեբունի և Նուբարաշեն վարչական շրջանների դատախազի, 2018 թվականից էլ՝ Արարատի մարզի դատախազի պաշտոնը։
Հիշեցնենք, որ նոյեմբերի 19-ին իր դիմումի համաձայն զբաղեցրած պաշտոնից ազատվել էր Շիրակի դատախազ Գուրգեն Գրիգորյանը, որի նկատմամբ ԱԱԾ-ում ՀՀ Քրեական օրենսգրքի 495 հոդվածի 3-րդ մասի 2-րդ կետով քրեկան վարույթ է ընթանում։
Նրա դեմ բողոք էր ներկայացրել գյումրեցի ընդդիմադիր իրավապաշտան Կարապետ Պողոսյանը, որը հայտարարել էր, թե դատախազը քրեական ենթամշակույթ ունեցող անձանց միջոցով փորձել է գործարքների գնալ իր հետ։
Արմիկ Մովսիսյան
