08.09.2026 | 17:22
Հայկական ճարտարապետության նոր հասցեն․ Amanoo-ի միջազգային ճանապարհը
Վաղարշապատի N 12 դպրոցի թիմը հերթական հաղթանակը տոնեց Սպիտակ Նավակ մրցաշարում
06.06.2018 | 11:42
Մեր դպրոցականները ուժեղ գտնվեցին Բուրյաթիայի Հանրապետության թիմից:
Ռուսաստանի Սոչի քաղաքում շարունակվում է Սպիտակ Նավակ մրցաշարը, որին մասնակցում են հանրակրթական դպրոցների թիմերը: Այս տարի մրցաշարին մասնակցում է 100 թիմ, որոնցից 79 ներկայացնում են Ռուսաստանի մարզերը: Մրցաշարին մասնակցում են դպրոցական թիմեր Հայաստանից, Անգլիայից, Բելառուսից, Գերմանիայից, Հունաստանից, Իսրայելից, Հնդկաստանից, Ղազախստանից, Կենիայից, Ղրղզստանից, Լատվիայից, Մոլդովայից, Ռումինիայից, Սերբիայից, Սլովակիայից, Թուրքմենստանից, Ֆրանսիայից, Չեխիայից, Շվեդիայից և Էստոնիայից:
Երեկ տեղի ունեցավ մրցաշարի 5-րդ տուրը, որում Հայաստանը ներկայացնող Վաղարշապատի N 12 դպրոցի թիմը հերթական հաղթանակը տոնեց: Այս անգամ մեր դպրոցականները 2.5-1.5 հաշվով հաղթեցին Բուրյաթիայի Հանրապետության թիմին:
5-րդ տուրից հետո աղյուսակը վստահորեն գլխավորում են Հնդկաստանի դպրոցականները, ովքեր իրենց ակտիվում գրանցել են 18.5 միավոր: Սվերդլովսկի մարզը 14.5 միավորով գտնվում է 2-րդ հորիզոնականում, 3 թիմ 14-ական միավորով կիսում են 3-5-րդ հորիզոնականները, իսկ մեր դպրոցականները վաստակել են 13.5 միավոր և կիսում են 6-9-րդ հորիզոնականները:
Այսօր տեղի կունենան մրցաշարի 6-րդ և 7-րդ տուրերի պարտիաները:
6-րդ տուրում մեր մրցակիցն է լինելու Սանկտ-Պետերբուրգի ուժեղ թիմը:
