25.11.2024 | 19:26
Պատժամիջոցների հետևանքով Թուրքիայի և ՌԴ-ի միջև առևտրաշրջանառության նվազում է կանխատեսվում․ Անկարայում ՌԴ դեսպան
«Գազպրոմ»-ն ու SOCAR-ը փաստաթուղթ են ստորագրել Ադրբեջան գազի մատակարարումների վերաբերյալ
Քաղաքականություն
18.11.2022 | 19:13
Ռուսական «Գազպրոմն» այս ձմռանը կարող է Ադրբեջանին մատակարարել մինչև 1 միլիարդ խորանարդ մետր․ հայտնում են ընկերությունից, գրում են ադրբեջանական լրատվամիջոցները։
«Նոյեմբերի 15-ին գազի առքուվաճառքի նոր պայմանագրով սկսվել են ռուսական գազի մատակարարումները Ադրբեջան։ Փաստաթուղթը ստորագրվել է «Գազպրոմ Էքսպորտ» ՍՊԸ-ի և SOCAR-ի միջև։ Առաքումները կիրականացվեն 2023 թվականի մարտից։ Մատակարարումների ծավալը կազմում է մինչև մինչև 1 մլրդ խորանարդ մետր»,- ասվում է ընկերության հայտարարության մեջ։
2021 թվականին Ադրբեջանը և Ռուսաստանը պայմանավորվել էին համագործակցել բնական գազի սեզոնային փոխանակման ոլորտում։ Համաձայնագիրը նախատեսում է ամառային սեզոնին Ադրբեջանից Ռուսաստան գազի մատակարարում, իսկ ձմեռային սեզոնին՝ Ռուսաստանից Ադրբեջան։ Մատակարարումների ծավալը կախված է ամռան ամիսներին Ադրբեջանում գազի արդյունահանման և սպառման մակարդակից։ Մեխանիզմը կողմերին թույլ է տալիս օպտիմալ օգտագործել իրենց նավթագազային ենթակառուցվածքները։
Էմմա Չոբանյան
