02.03.2026 | 10:29
Էրեբունու թաղապետարանի երկու աշխատակից ազատվել է աշխատանքից. Բալայան․ ՏԵՍԱՆՅՈՒԹ
Վտանգ է սպառնում ՀՀ-ին․ Մոսկվայից ԱԱԾ-ին ասեն՝ կալանավորեք Փաշինյանին, չեն ասի՝ անհնար բան է․ Լևոն Բարսեղյան․ ՏԵՍԱՆՅՈՒԹ
Քաղաքականություն
17.11.2022 | 21:02
Հեղափոխությունից անցել է չորսուկես տարի ժամանակ, և դեռ խոսվում է դատաիրավական համակարգի՝ չբարեփոխված լինելուց, վեթինգ և լյուստրացիա չանելու մասին։ Ինչո՞ւ։ Գուցե քաղհասարակությունն է ոչ խիստ գտնվել իշխանության նկատմամբ, և կառավարող ուժը կարծել է՝ կիսատ-պռատ փոփոխությունները կընդունվեն, չեն քննադատվի։ Գյումրիի «Ասպարեզ» ակումբի խորհրդի նախագահ Լևոն Բարսեղյանը Factor TV-ի հարցազրույցում նշում է, որ ինքը ոչ վիրավորական բառապաշարով քննադատության կողմնակիցն է, ինչը անում է, իսկ ՔՊ-ն ուղղակի չի ցանկանում լյուստրացիա կատարել՝ բացահայտելու պետական համակարգերում ծվարած գործակալներին․
«Դե, դա պետության զավթված ճյուղերից մեկն էր և մնում է այդպիսին։ Երբեմն որպես ի հակառակություն՝ բերում-ասում են՝ ա՛յ, ԱԱԾ-ն լավ աշխատում է, լրտեսներ է բռնում։ Դա տեսնում ենք։ Լավ է, որ աշխատում են։ Մարդիկ կան՝ չեն վստահում այդ լուրերին, ես վստահում եմ։ Բայց դա չի նշանակում, որ Մոսկվայից հանկարծ զանգեն ԱԱԾ և ասեն՝ կալանավորեք վարչապետին, ԱԱԾ-ն պետք է ասի՝ էս ի՞նչ եք ասում, անհնար բան է։ Ես, դժբախտաբար, կարծում եմ, որ ոչ միայն ԱԱԾ-ն, այլև մի շարք համակարգեր մնում են գործակալական խոշոր ցանցերի ազդեցության տակ, հատկապես՝ Կրեմլի ազդեցության տակ։ Վտանգը սպառնում է ՀՀ-ին, որը ժողովրդի ձեռամբ հավաքական կերպով այդ ուժին տվել է իշխանություն»,- նշեց Լևոն Բարսեղյան։
Հարցազրույցն ամբողջությամբ՝ տեսանյութում։
Ռոբերտ Անանյան
