30.10.2026 | 21:10
Սպիտակի գործող համայնքապետը կրկին առաջադրվում է․ ինչ պատմություններով է հիշվում Քաջայր Նիկողոսյանը
Լեհաստանն ուժեղացնում է ռազմական ուժերն Ուկրաինայի հետ սահմանին
Քաղաքականություն
17.11.2022 | 14:12
Լեհաստանն ուժեղացնում է իր ռազմական ուժերը Ուկրաինայի հետ սահմանին՝ այն բանից հետո, երբ երկրի արևելքում հրթիռ է ընկել, որի հետևանքով երկու մարդ է զոհվել։ Թեև ՆԱՏՕ-ն հայտարարել է, որ ապացույցները ցույց են տալիս հավանականությունը, որ տեղի ունեցածն ուկրաինական հակաօդային պաշտպանության գործողության արդյունք է, Լեհաստանի արձագանքն արտացոլում է իր տարածք պատերազմի տարածման վախը, գրում է Euronews-ը։
Ուկրաինայի հարցով վերջին հանդիպման ժամանակ ՄԱԿ-ի Անվտանգության խորհրդի անդամներն ընդգծել են էսկալացիայի կանխման անհրաժեշտությունը։
«Հակամարտության հնարավոր աղետալի տարածման ռիսկերը մնում են չափազանց իրական: Երեկ Լեհաստանում ուկրաինական սահմանի մոտ տեղի ունեցած միջադեպը սահմռկեցուցիչ հիշեցում էր հետագա սրումը կանխելու բացարձակ անհրաժեշտության մասին: Երեկ Լեհաստանում ուկրաինական սահմանի մոտ տեղի ունեցած միջադեպը սահմռկեցուցիչ հիշեցում էր հետագա սրումը կանխելու բացարձակ անհրաժեշտության մասին»,- հայտարարել է ՄԱԿ-ի գլխավոր քարտուղարի քաղաքական և խաղաղության ամրապնդման հարցերով տեղակալ Ռոզմարի ԴիԿառլոն։
Ուկրաինային սահմանակից երկրների համար մի քանի ռիսկեր կան։ Դրանցից մեկը պատահական հրթիռներն են, որոնք էլ, ըստ երևույթին, ընկել են Լեհաստանում։ Մյուսը դիտավորյալ հարված է ՆԱՏՕ-ի անդամին, որը կհանգեցնի դաշինքի և Ռուսաստանի միջև ուղիղ կոնֆլիկտի, երրորդը՝ տնտեսական։
Ուկրաինայի նախագահ Վլադիմիր Զելենսկին շարունակում է վստահ լինել, որ հրթիռն ուկրաինական չէ, և պահանջում է «անհապաղ հասանելիություն» դեպքի վայր՝ պարզելու, ինչպես ինքն է ասում, «ամեն մանրուք, յուրաքանչյուր փաստ»։
Միաժամանակ, Սպիտակ տան ղեկավար Ջո Բայդենն Ուկրաինայի նախագահի խոսքերն ապացույց չի համարել, որ հրթիռը պատկանում է Ռուսաստանին։
Մոսկվան իր հերթին հերքել է ուկրաինա-լեհական սահմանից 35 կմ շառավղով հրթիռների թիրախավորումը և Կիևին մեղադրել պատերազմը սաստկացնելու փորձի մեջ։
Տաթև Ֆռանգյան
