18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Ուկրաինան հայտնել է, որ հացահատիկային գործարքը ևս 4 ամսով երկարաձգվել է
Քաղաքականություն
17.11.2022 | 14:29
Ստամբուլում պայմանավորվել են հացահատիկային միջանցքը ևս 120 օրով երկարացնելու շուրջ՝ ուկրաինական նավահանգիստներից պարենի արտահանման համար։ Այս մասին հայտնել է Ուկրաինայի ենթակառուցվածնքերի նախարար Ալեքսանդր Կուբրակովը, գրում է Украинская правда-ն։
Նա նշել է, որ նախաձեռնության իրականացման երաշխավորներ են մնացել Թուրքիան և ՄԱԿ-ը։ Կուբրակովը նաև հայտնել է, որ Ուկրաինան պաշտոնապես դիմել է գործընկերներին՝ առաջարկելով երկարաձգել այն առնվազն մեկ տարով և ներառել Նիկոլաևի նավահանգիստը։
«Մենք սպասում ենք նրանց արձագանքին։ Մենք պետք է օգտագործենք մեր նավահանգիստների արտահանման ողջ ներուժը, որպեսզի աշխարհն արագ ստանա պարենի անհրաժեշտ ծավալները»,- հավելել է նախարարը։
Հիշեցնենք՝ հացահատիկային գործարքի ժամկետը լրանում է նոյեմբերի 19-ին։ Թուրքիայի ՊՆ ղեկավար Հուլուսի Աքարն ավելի վաղ կողմերին առաջարկել էր մեկ տարով երկարաձգել այն։ Գործարքը կնքվել է հուլիսի 22-ին Ստամբուլում՝ Թուրքիայի, ՌԴ-ի, Ուկրաինայի և ՄԱԿ-ի միջև։
Հոկտեմբերի 29-ին ՌԴ-ն հայտարարել էր, որ դուրս է գալիս հացահատիկային գործարքից՝ Ուկրաինայի կողմից Սևաստոպոլի նավատորմի վրա հարձակումների պատճառով։ Սակայն նոյեմբերի 2-ին Թուրքիայի նախագահ Ռեջեփ Թայիփ Էրդողանը ՌԴ նախագահ Վլադիմիր Պուտինի հետ բանակցություններից հետո հայտարարել էր, որ Մոսկվան վերադառնում է գործարքին։
Էմմա Չոբանյան
