16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Ժամանակն է քննարկել Հնագիտության և ազգագրության ինստիտուտի ու ԵՊՀ-ի միավորման հարցը. Դումանյան․ ՏԵՍԱՆՅՈւԹ
Հասարակություն
16.11.2022 | 19:46
«Ժամանակն է քննարկել Հնագիտության և ազգագրության ինստիտուտի ու ԵՊՀ-ի միավորման հարցը»,- այս մասին նշեց ԿԳՄՍ նախարար Վահրամ Դումանյանը՝ ԱԺ-կառավարություն հարցուպատասխանի ժամանակ անդրադառնալով ՔՊ պատգամավոր Վիգեն Խաչատրյանի մտահոգությանն այդ խնդրի առնչությամբ։
«Գիտեք, որ քննարկում ենք բուհերի միավորման, ինչպես նաև գիտահետազոտական ինստիտուտների և բուհերի՝ ըստ անհրաժեշտության միավորման հարցը։
Ինչ վերաբերում է Հնագիտության և ազգագրության ինստիտուտին, այն մեր կարևորագույն ինստիտուտներից է, այնտեղ կա պրոֆեսիոնալ կոլեկտիվ, նրանց գործունեությունն արդյունավետ է, իրականացնում են պեղումներ, լուրջ գիտահետազոտական աշխատանքներ, տպագրվում են օտարալեզու, ճանաչված պարբերականներում։
Հետաքրքիր գաղափար կա․ Հնագիտության և ազգագրության ինստիտուտը գտնվում է Չարենցի փողոցում, ԵՊՀ կենսաբանության ֆակուլտետի դիմաց, և նրանց գտածոները կենսաբանական հետազոտությունների են ենթարկվում այդ ֆակուլտետում, կոլեկտիվը սերտ կապեր ունի ԵՊՀ պատմության ֆակուլտետի հետ․․․ Կարծում եմ ժամանակն է քննարկել Հնագիտության և ազգագրության ինստիտուտը ԵՊՀ-ի հետ միավորման, համատեղ գործունեության հնարավորություն ընձեռելեու հարցը, և ԵՊՀ-ն ու նրա հարակից տարածքը պահպանել»,- նշեց նախարարը։
Մանրամասն՝ տեսանյութում։
