27.02.2026 | 12:00
Աննա Հակոբյանը հեռանում է կառավարական առանձնատնից // Զինվորի մահվան դեպքով ձերբակալված կա. ԼՈՒՐԵՐ
Բլինքենն Ալիևին կոչ է արել բացառել սադրանքներն ու պահպանել հրադադարի ռեժիմը
Քաղաքականություն
16.11.2022 | 18:35
ԱՄՆ պետքարտուղար Էնթոնի Բլինքենը հեռախոսազրույց է ունեցել Ադրբեջանի նախագահ Իլհամ Ալիևի հետ, որի ընթացքում քննարկվել են Հայաստանի և Ադրբեջանի միջև հետագա բանակցությունները։ Բլինքենը կոչ է արել Ադրբեջանին պահպանել հրադադարի ռեժիմն ու բացառել սադրանքները։ Այս մասին հայտնել է ԱՄՆ Պետքարտուղարության մամուլի ծառայությունը։
«Պետքարտուղար Էնթոնի Բլինքենն այսօր զրույց է ունեցել Ադրբեջանի նախագահ Իլհամ Ալիևի հետ՝ քննարկելու հայ-ադրբեջանական երկկողմ խաղաղ բանակցությունների արդյունքներն ու հետագա քայլերը։ Նա նախագահ Ալիևին կոչ է արել պահպանել հրադադարը և բացառել սադրանքները՝ միաժամանակ ուսումնասիրելով Հայաստանի հետ վստահության ամրապնդման միջոցները՝ խաղաղության համար հիմք ստեղծելու համար»,- ասվում է հաղորդագրության մեջ։
Պետքարտուղարն ընդգծել է ԱՄՆ-ի աջակցությունը խաղաղ գործընթացին և հորդորել է երկու կողմերին ծրագրել հետագա բանակցությունները, ինչպես համաձայնեցվել է Վաշինգտոնում:
Հիշեցնենք, որ Բլինքենը հեռախոսազրույց էր ունեցել նաև ՀՀ վարչապետ Նիկոլ Փաշինյանի հետ։
Տաթև Ֆռանգյան
