16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Եվրոպան սկսել է ծախսել պահեստավորած գազի պաշարները
Քաղաքականություն
16.11.2022 | 17:09
Անցած ջեռուցման սեզոնից հետո առաջին անգամ Եվրամիության երկրները սկսել են ավելի շատ գազ վերցնել ստորգետնյա պահեստարաններից (UGS), քան այն մղել: Այս մասին են վկայում Եվրոպական գազի ենթակառուցվածքի օպերատորների ասոցիացիայի (Gas Infrastructure Europe, GIE) տվյալները։
Տարածաշրջանն իր UGS-ի օբյեկտները ձմռան շեմին լցրել էր միջինը 95,6 տոկոսով: Այսպիսով, եվրոպական պահեստարաններում կա մոտ 104 միլիարդ խորանարդ մետր գազ։
Ռեզերվները արդեն սկսել են ծախսել Ֆրանսիան, Գերմանիան, Նիդեռլանդները, Լեհաստանը և Ռումինիան։ Նիդեռլանդներն ամենաակտիվն է պահեստարաններից գազի օգտագործման հարցում: Այլ երկրներում ներմղումը դեռ գերազանցում է օգտագործման ցուցանիշը, սակայն դրա ծավալները զգալիորեն նվազել են։
Ավելի վաղ մատակարար «Գազպրոմը», որից Եվրոպան նախկինում մեծապես կախված էր իր էներգետիկ անվտանգության հարցում, ուշադրություն է հրավիրել այն փաստի վրա, որ նոյեմբերի 13-ի դրությամբ՝ 69,7 միլիարդ խորանարդ մետր գազ է մղվել Եվրոպայում UGS-ի օբյեկտներ (1,1 միլիարդ խորանարդ մետրով ավելի, քան հոկտեմբերի վերջին): Ընկերությունը նշել է, որ «նույնիսկ եվրոպական խոշոր երկրներում UGS-ի օբյեկտների առավելագույն պաշարները չեն երաշխավորում գալիք աշուն-ձմեռ շրջանի հուսալի անցում»։
«Գազպրոմ»-ում նաև նախազգուշացնում են, որ «ծանրաբեռնվածությունը Եվորպայի գազի ստորգետնյա պահեստարանների վրա ավելի մեծ է լինելու, քան նախորդ տարիներին՝ կապված լոգիստիկայի և եվրոպական շուկայի գազամատակարարման աղբյուրների փոփոխության հետ»: Եվրոպայում սաստիկ ցրտեր են սկսվել, որոնք ավելի կսաստկանան այս հանգստյան օրերին: Ենթադրվում է, որ առաջիկա օրերին Եվրոպայի պահեստարանների գազի օգտագործումը միայն ավելանալու է։
Տաթև Ֆռանգյան
