18.08.2026 | 09:25
ՀՀ տարածքում ավտոճանապարհներն անցանելի են
Չափազանց կարևոր է խուսափել Ուկրաինայում պատերազմի սրումից․ ՄԱԿ-ի գլխավոր քարտուղար
Քաղաքականություն
16.11.2022 | 11:14
ՄԱԿ-ի գլխավոր քարտուղարը Լեհաստանում հրթիռի պայթյունով «խիստ մտահոգված է»։ Անտոնիո Գուտերեշը հույս է հայտնել, որ հետաքննությունը կիրականացվի առավելագույնս մանրակրկիտ կերպով։ Այս մասին ասվում է գլխավոր քարտուղարի հայտարարության մեջ, գրում է BBC-ի ռուսական ծառայությունը։
«Չափազանց կարևոր է խուսափել Ուկրաինայում պատերազմի սրումից»,- ասել է ՄԱԿ-ի գլխավոր քարտուղարի ներկայացուցիչը։
Հիշեցնենք՝ երեկ տեղեկություններ հայտնվեցին, թե երկու հրթիռ է ընկել Լեհաստանի Լյուբելսկի վոյևոդությունում Պրժևոդովի ֆերմայում, որը գտնվում է Ուկրաինայի հետ սահմանից 65 կմ հեռավորության վրա։ Պայթյունի հետևանքով երկու մարդ է զոհվել։ Փորձագետները դեռ հետաքննում են միջադեպի հանգամանքները, սակայն ԱՄՆ նախագահ Բայդենը հայտարարել էր, որ ունի «նախնական տեղեկություններ, որոնք վիճարկում են» այն ենթադրությունը, որ հրթիռը արձակվել է ռուս զինվորականների կողմից։ Ավելի վաղ Լեհաստանի իշխանությունները հայտնել էին, որ Պրժևոդուվ գյուղում ընկած հրթիռը ռուսական արտադրության է։
Տաթև Ֆռանգյան
