19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
G7-ի առաջնորդներն արտակարգ հանդիպում են անցկացնում Լեհաստանում տեղի ունեցած միջադեպի կապակցությամբ
Քաղաքականություն
16.11.2022 | 11:04
Աշխարհի առաջատար տերությունների առաջնորդները հավաքվել են արտակարգ հանդիպման՝ քննարկելու Լեհաստանի արևելքում՝ Ուկրաինայի սահմանի մոտ գտնվող գյուղերից մեկի վրա հրթիռի ընկնելու միջադեպը, որի հետևանքով երկու մարդ է զոհվել, գրում է BBC-ի ռուսական ծառայությունը։
Ըստ աղբյուրի՝ G20-ի գագաթնաժողովի բոլոր հյուրերի պլանները փոխվել են՝ կապված Լեհաստանում տեղի ունեցածի հետ։ Համաշխարհային առաջնորդները պարբերաբար հեռախոսազրույցներ են ունենում էին իրենց պաշտպանության և արտաքին գործերի նախարարների հետ և քննարկում Լեհաստանի թեման։
ԱՄՆ նախագահ Ջո Բայդենը և Մեծ Բրիտանիայի վարչապետ Ռիշի Սունակը հանդիպումից առաջ հասցրել են զրուցել Լեհաստանի նախագահի հետ։ Բայդենը զրուցել է նաև ՆԱՏՕ-ի գլխավոր քարտուղար Յենս Ստոլտենբերգի հետ։
Հանդիպմանը, որը Սպիտակ տունն անվանել է «արտակարգ կլոր սեղան», մասնակցում են ԱՄՆ-ի, Մեծ Բրիտանիայի, Եվրամիության, Իսպանիայի, Գերմանիայի, Կանադայի, Ֆրանսիայի, Ճապոնիայի և Նիդեռլանդների ղեկավարները։
Տաթև Ֆռանգյան
