01.11.2026 | 16:55
Մթնոլորտային օդում փոշու պարունակությունը՝ Վանաձորում և Ալավերդիում
ԵՄ-ն վերանայում է Մոսկվայի հետ փոխգործակցության սկզբունքները․ հնարավոր է Ռուսաստանի մեկուսացում
Քաղաքականություն
15.11.2022 | 15:18
Եվրոպական դիվանագիտության ղեկավար Ժոզեպ Բորելը ԵՄ երկրներին է ներկայացրել Ռուսաստանի հետ փոխգործակցության սկզբունքների նոր նախագիծ։ Այս մասին գրում է Euractiv-ը՝ հղում անելով փաստաթղթի նախագծերին, որի հետ ծանոթացել են գործակալության խմբագիրները։
Նշվում է, որ տեքստի նախագիծը ոչ այնքան հստակ առաջարկներ է պարունակում, որքան «ընդհանուր ուղղություններ, որոնց պետք է հետևել»։
Այդ ոլորտներից մեկը միջազգային մակարդակով Ռուսաստանի ավելի մեծ մեկուսացումն ու պատժամիջոցների շրջանցման կանխարգելումն է։ Խոսվում է նաև ԵՄ-ի հարևաններին աջակցելու անհրաժեշտության մասին, «այդ թվում՝ Եվրամիության ընդլայնման քաղաքականության միջոցով»։
Բորելի նախագիծը պնդում է, որ «21-րդ դարում տեղ չկա այնպիսի հայեցակարգի համար, ինչպիսին են «ազդեցության ոլորտները», և այն չի կարող ընկած լինել եվրոպական անվտանգության ռազմավարության հիմքում։
Այլ առաջարկներ էլ ներառում են աջակցություն ռուսական անկախ լրատվամիջոցներին, քաղաքացիական հասարակությանը և իրավապաշտպաններին՝ ինչպես Ռուսաստանում, այնպես էլ արտերկրում:
Ընդհանուր առմամբ, նախագիծը լավ է ընդունվել եվրոպացի դիվանագետների կողմից, թեև կան նաև ավելի թերահավատ երկրներ, որոնք պնդում են ավելի կոնկրետ ձևակերպումների հարցում։
Տաթև Ֆռանգյան
